1. Кутилмаган, хаёлга келмаган вақтда; тўсатдан, қўққисдан.
Бармоқ сараклатиб, сўзга оғиз жуфтлаши билан, бирдан ёʻтали тутди. — А. Обиджон, Аканг қарағай Гулмат
Мамлакат Санжарга қараб туриб, бирдан меҳри товланиб кетди. — Ў. Усмонов, Сирли соҳил
Бу унинг қалбида бирдан уйғониб кетган оталик туйғуси эди. — П. Қодиров, Юлдузли тунлар
2. Айни бир вақтда, баравар.
Иккиси [Офтоб ойим ва Кумуш] ҳам сачраб, Қутидорга қарадилар-да, бирдан сўрадилар: — Нима, қандай сир? — А. Қодирий, Ўтган кунлар
Ҳали машинанинг қораси кўздан ўчмасдан, бирдан икки самолёт пастланди. — Ойбек, Қуёш қораймас
3. Бир ёʻла, бирваракайига.
— Ҳа, ҳаммасини бирдан олма, — секин гапирди Эш-вой, — бир бўлагини ол. — Ойбек, Танланган асарлар
У [Бобур] чорбоғ четидаги ялангликдан бўз отни чоптириб чиқди-ю, бирдан жиловини қўйиб юборди. — П. Қодиров, Юлдузли тунлар
4. Дарров, тезда.
Фозилжоннинг юзидаги илжайиш бирдан ғазабга айланди. — С. Зуннунова, Кўк чироқлар
Бирдан ош ва ошни қатиқлаш баҳси ҳамманинг эсидан чиқди. — А. Қодирий, Ғирвонлик Маллавой
Кўзлари бирдан жиққа ёшга тўлди. — Ў. Ҳошимов, Қалбингга қулоқ сол