Hayot Foundation лойиҳаси
Лойиҳа ҳақида
Ўз
Ўз

Қидирув

«БЕРИ •» бўйича 383 та натижа: Изоҳли

Филтр
Луғат тури
Изоҳли Таржима Терминологик

Луғат мақолалари

9 та
бери

рвш. 1. Сўзловчига, шунингдек, сўз бораётган пайт ёки ўринга яқин.

Ҳечқиси ёʻқ, бир кун нари, бир кун бери.

[Қизлар] Нари ёт, бери ёт билан бир-бирларини итариб, суриб, кўрпани тўрт томонга тортишиб жанжаллаша бошладилар. — А. Қодирий, Меҳробдан чаён

— Бери кел, қизим! — қўли билан имлади кулиб. — Ойбек, Танланган асарлар

2. кўм. (чиқиш келишиги билан) Ҳаракатнинг бошланиш пайтидан бошлаб, буён; маълум вақт давомида, мобайнида.

Кечадан бери. Яқиндан бери. Анчадан (кўпдан) бери. Алмисоқдан бери.

Асқар аканинг дами ичига тушиб кетди. Шу сабаб, мана кечадан бери қовоғи очилмайди. — Н. Фозилов, Қиссалар

Элмурод эрталабдан бери нон-чойдан бўлак ҳеч нарса емаганликдан кўнгли озганини сезди. — П. Турсун, Ўқитувчи

Институтга киргандан бери Козимжон орқасидан соядек эргашиб юрибди. — Т. Ашуров, Оқ от

Тахминан уч йилдан бери шу ишни қиламан. — С. Аҳмад, Юлдуз

  • Бери қарамоқ Тузалиш, яхшиланиш томонига ўтмоқ, яхшиланмоқ (беморнинг аҳволи ҳақида). Беморнинг аҳволи сал бери қаради. Йиғламоқдан бери бўлмоқ Йиғлагудек бўлмоқ.Отам тайёрлаган узангиларини бозорда эртадан кечгача сарғайиб кўтариб юриб, сота олмасдан, ҳовлига қўллари қуруқ (ҳолда) йиғламоқдан бери бўлиб қайтар эдилар. — М. Муҳаммаджонов, Турмуш уринишлари
  • Нари олиб бориб, бери олиб келмоқ Бир томонда Зулфиқор, бир томонда Худодбек — бир-бирига мутлақо ўхшамаган икки йигит унинг хаёлини нари олиб бориб, бери олиб келарди. — Мирмуҳсин, Меъмор
Тўлиқ мақола →
бериги

Сўзловчига ёки сўз бораётган ерга яқинроқ бўлган.

Бериги уй. Самарқанддан бериги стансия.

Отабек бериги бурчакдан туриб, уни [Кумушни] қўли билан янар ва кулимсираб хўмраяр эди. — А. Қодирий, Ўтган кунлар

Сирдарёнинг нариги боши, бериги боши, Сойда битган қамишмикан қизнинг қоши. — Қўшиқлар

Тўлиқ мақола →
бериё

Иккиюзламачилик, мунофиқлик қилмасдан; риёсиз.

Тарихни яққол, бериё кўрсатишда Завқийнинг сатираси ҳаммасидан устундир. — Ғ, Ғулом

Тўлиқ мақола →
берилмоқ

фл. 1. Бирор кимса ёки нарсага ихлос, меҳр қўймоқ, садоқат боғламоқ; бирор нарсага ружу қилмоқ, ўрганиб кетмоқ. Мусиқага берилмоқ.

[Хўжаев:] Қайси кўзим билан кўрай. Ҳалиги нотиқ ўзимизнинг Шукрулло афанди экан. Наҳотки, у киши шу қадар берилиб кетган, деб ўйладим. — З. Сайд, Н. Сафаров, Тарих тилга кирди

Айта қолинг, Авлиё ота — қозоқ юрти, норинхўрликка кўпроқ берилганга ўхшайсиз-а? — Ойбек, Танланган асарлар

2. Чўммоқ, ботмоқ, маҳлиё бўлмоқ.

[Гулнор:] Ўзининг паришон хаёлига берилиб, кимсасиз ҳовлида кеза бошлади. — Ойбек, Танланган асарлар

3. Бўш келмоқ; таслим бўлмоқ.

Ота-бекнинг бу мактуби Кумушга бўлган муносабатининг ҳамон боқийлигини ўзининг осонлик билан рақибга берилмаслигини сўзлар эди. — А. Қодирий, Ўтган кунлар

  • Бермоқ 1, 2, 4-6 Феълларининг мажҳул нисбати. Хат эгасининг ўз қўлига берилади. Ёзма ишга бир соат вақт берилади. Китоб уйга берилмайди.Бу қий-чув орқасидан меҳмонларга қуюқ-суюқ берилди. — А. Қодирий, Ўтган кунлар
Тўлиқ мақола →
беришмоқ
  • Бермоқ 1, 2, 4-6 Феълларининг биргалик нисбати. Ўйлашга ҳам вақт беришмади. Сизга яхши маслаҳат беришибди.Севишганларига, кўнгил беришганларига беш йил тўлиб, олтинчи йил тугай деб қолди. — М. Исмоилий, Фарғона тонг отгунча
Тўлиқ мақола →

Ҳаммасини кўриш · 9 →

Таърифлар ичида

374 та
нари-бери

нари-бери У ёқ-бу ёққа, турли томонга. Нарсаларни нари-бери сурмоқ. Сафаров тугаган папироснинг чўғидан иккинчисини тутатиб олиб, нари-бери юрди. А. Қаҳҳор, Қўшк

сеплама

сеплама Наридан-бери, амал-тақал қилиб ясалган (ишланган); омонат. Сеплама этик.

асабийлик

асабийлик Асабий ҳолат. Элбек ўз кабинетига қайтгандан кейин асабийлик билан нари-бери юриб, узоқ ўйлади. А. Мухтор, Туғилиш

сепламоқ

сепла Наридан-бери, бир амал-лаб ясамоқ (қилмоқ); амал-тақал қилиб тўғриламоқ. Оз бўлса, эплаб кўр, кўп бўлса, сеплаб кўр. Мақол

ён-бери

ён-бери айн. Ён-атроф. Ён-беримда райҳонлар, ялпизлар, гуллар. Миртемир. Тингла, ҳаёт Кўз, киприги пириллаб, Пайпаслар ён-берини. Қ. Муҳаммадий.

Ҳаммасини кўриш · 374 →