Qidiruv

sft. 1. belg. olm. Yolgʻiz holda yoki bir soʻzi bilan ishlatilib, bir turdagi yoki har xil narsa, kimsa, voqea-hodisalardan ayrimlarini, butundan boʻlakni ajratib koʻrsatish uchun qoʻllanadi.◆

Baʼzi (bir) narsalar. Baʼzi (bir) odamlar. Baʼzi (bir) kunlar.

Gulnor [Unsinning] burnini, peshonasini va baʼzi harakatlarini Yoʻlchiga oʻxshatdi. — Oybek, Tanlangan asarlar

Ogʻaynida ham ogʻayni bor. Baʼzi ogʻayni boʻladi, joningga jonini mix qilib qoqib tashlaydi. — A. Qahhor, Ogʻaynilar

2. ot vzf. Ayrim kishi, narsa va shu kabilarni ifodalaydi.

Atrofda odam toʻplandi. Baʼzilar achinardi, baʼzilar — tomoshabin. — Oybek, Tanlangan asarlar

Xotinlarning baʼzilari qiziqqanlaridan chachvonlarini qiya ochib, Yoʻlchiga yashirincha moʻralashadi. — Oybek, Tanlangan asarlar

Buni eshitib, baʼzilar qotib-qotib kular, baʼzilar boʻgʻilar edi. — A. Qahhor, Asarlar.

ot 1. iqt. Asos, negiz., 2.

2. fls. iqt. Jamiyat taraqqiyotining maʼlum tarixiy bosqichida yuzaga keladigan ishlab chiqarish munosabatlari yigʻindisi.

Bazis jamiyat taraqqiyotining muayyan bosqichidagi iqtisodiy tuzumdir. — Gazetadan

3. geod. astr. Yer yuzining maʼlum joyidan juda aniq qilib bevosita oʻlchab olinadigan asosiy chiziq.

Jism kuzatilgan ikki nuqtani birlashtiruvchi toʻgʻri chiziq kesmasi bazis deyiladi. — Astronomiya

rvsh. Sira ham, aslo-aslo.

Majdiddin jahlli tovush bilan gapirdi: — Siz bu soʻzni ikkinchi dafʼa zinhor-bazinhor ogʻzingizdan chiqarmang. — Oybek, Navoiy

ot tib. Asosan asab tizimi kasalliklari sabab yuzaga keladigan yura olmaslik holati.