Qidiruv

ot 1. Tarixiy, madaniy-maʼnaviy anʼanalarga koʻra rasmiy yoki norasmiy ravishda uyushtiriladigan umumxalq shodiyonasi kuni, tantana kuni.

Mustaqillik bayrami. Navroʻz bayrami. Gʻalaba bayrami. Yangi yil bayrami.

Yangi yil bayrami dilimizga yaqin, hammaga birday quvon-chu farah baxsh etadigan, yorqin tuygʻularni uygʻotadigan qutlugʻ ayyom! — Saodat

Bugungi Navroʻz bayrami barcha-barchaga yangi baxt, ulkan zafarlar keltiradi. — Gazetadan

Men bayramlarni juda-juda sevar, juda-juda orziqib kutardim. — Yoshlik

2. Biror-bir munosabat bilan oʻyin-kulgi ishtirokida tantanali ravishda oʻtkaziladigan tadbir.

Oilaviy bayram. Archa bayrami. Sport bayrami. Sheʼriyat bayrami.

Sanʼat bayrami. Paxta bayrami. Bolalar archa bayramidan uylariga xursand boʻlib qaytadilar.

Paxta bayramini yor-joʻralar bilan Guliston rayonida oʻtkazdik. — A. Qahhor, Ming bir jon

Vakillarimiz sanʼat bayramiga jiddiy tayyorgarlik bilan keldilar. — Gazetadan

3. koʻchma Vaqtichogʻlik, xursandlik; baxt, omad.

Joni sogʻga kunda bayram, Kunda toʻy. — Maqol

Eshakning oʻlimi — itning bayrami. — Maqol

Uning [ayolning] borligining oʻzi — jamiyatning bayrami. — Gazetadan

ot Bayram munosabati bilan yaqin kishilarga beriladigan tuhfa; bayram sovgʻasi; hayitlik.

Keliningizga mana buni [krepdeshinni] oldim, sizga uch-toʻrt bayramlikni bir qilib olib kelaman. — Oʻ. Umarbekov, Ona

Bayram tantanalariga mos; bayram marosimlariga munosib.

Bayrami na bezatilgan minbarga hamma uchun tanish kishilar koʻtarildilar. — Oʻzbekiston qoʻriqlari

Shanbalikning barcha qatnashchilari bayramona koʻklam kayfiyatida. — Gazetadan

Bayramga yaqin qolgan, bayram arafasidagi.

Bayramoldi rejalari. Bayramoldi tadbirlari. Bayramoldi tayyorgarliklari. Bayramoldi konserti.

Eng achinarlisi, bayramoldi kunlari ayrim pulparastlar davlat transporti hisobiga boyib qolishni oʻzlariga kasb qilib olmoqdalar. — Gazetadan

Polk omboriga oʻtib, bayramoldi sovgʻalarini olish haqida intendant bilan gaplashishi kerak edi. — Shuhrat, Shinelli yillar

ot s. t. Foydali ish oʻrniga hadeb oʻyin-kulgi bilan ovora boʻlish.

Jamiyatda dangasalik va bayrambozlik emas, balki halol mehnat tantana qilmogʻi kerak. — Gazetadan

fl. s. t. Bayram kunlari koʻpchilik boʻlib sayr-tomosha qilmoq; bayramni birgalikda nishonlamoq.

Bayramlashib, shahar aylandik. Bayramlashib keldi.