Qidiruv

ot 1. Qoʻlga oʻrgatilgan hayvon (asosan ot); jaydari.

Bayir ot.

Rais bilan Oʻktam oyoq ustida bir piyoladan qaynoq choy ichishdi-da, qora bayir va qizil jiyronga minishdi. — Oybek, Oltin vodiydan shabadalar

Men uning yigitlariga bir kam toʻqson bayir berganman. — A. Muxtor, Qoraqalpoq qissasi

2. koʻchma s.t. Sharoitga koʻnikib, qadrdon boʻlib qolgan.

Taqsirim bayir xotinlarining ustiga oʻn toʻrt yashar qiz olib ishrat kamarini bogʻladilar. — Mushtum

3. Qumli choʻllarda shamol oqibatida paydo boʻlgan botiq joylar.

Bayirda kichik-kichik chuqurliklar bilan birga qator qum tepaliklari ham boʻladi. — OʻzME

fl. 1. Mahalliy sharoitga oʻrganib, moslashib qolmoq (asosan ot haqida).

2. s. t. Sinalib, qadrdon boʻlib qolmoq.

ot Otning Oʻzbekistonda yetishtirilgan, salt miniladigan yoki aravaga qoʻshiladigan, tanasi qisqaroq, beli tekis va keng boʻlgan zoti.

Atayin Samarqanddan ikkita qorabayir oldirib kelganlar. — S. Ahmad, Ufq

Uning uchinchi boyligi — qorabayir oti edi. — Sh. Xolmirzayev, Ogʻir tosh koʻchsa