Qidiruv

olm. jaml. olm. Bir turdagi narsa, hodisa yoki kimsalarning hammasi, barchasi.

Besh barmoqning birini tishlasang, bari ogʻrir. — Maqol

Men uni sevaman. Bu rost. Qolgan gaplarning bari yolgʻon, bari tuhmat. — Oybek, Tanlangan asarlar

Otlar, odamlar— bari aralash-quralash boʻlib ketdi. — K. Yashin, Hamza

Dilda neki jurʼatim bor, Dilda neki hayajon — Bari-bari senga boʻl-sin, Senga boʻlsin, onajon. — A. Oripov

ot Oʻtmishda Rossiyada hukmron sinf vakillari, katta yer egalarining unvoni, oʻsha unvon egasi; oqsuyak, zodagon.

ot Tabiatda har xil (tiniq, sariq, qoʻngʻir, kulrang, qora) rangda uchraydigan, sulfatlar sinfiga mansub mineral.

Barit., tibbiyot, rezina va qogʻoz ishlab chiqarish, pirotexnika, koʻnchilikda, oziq-ovqat sanoati, kulolchilik, oq boʻyoq tayyorlashda ishlatiladi. — OʻzME

ot Mendeleyev davriy sistemasining II guruhidagi oq rangli, kumushsimon kimyoviy element, metall.

Bariy gidroksid. Bariy karbonat. Bariy sulfat,

Metall bariyni ingliz kimyogari G. Devi elektroliz yoʻli bilan olgan. — OʻzME

ot s. t. Dvoryan ayol, oqsuyak ayol.

Valixon soʻfi hamon kasal, doʻkonimizga toʻra kelgani, uyimizga barina kirgani obroʻyimizni oshirib, tinchgina ishlar edik. — A. Qahhor, Oʻtmishdan ertaklar

Butunlay koʻrinmay ketgandan keyin esa Toʻra qizga qarab: — Voy, yaxshi barina ekan! — dedi. — M. Ismoiliy, Fargʻona tong otguncha

ot Bir yilga ijaraga olingan bogʻ.

Baribogʻ olmoq.