Qidiruv

ot 1. din. Olloh yaratgan, taqdiri uning qoʻlida boʻlgan kishi; Ollohning quli.

Xudoning bandasi.

Tangri oʻz bandalari orasida gʻayratlisini yoqtiradi. — Hadis

Tangrining birodar bandalari boʻlinglar, oʻrtalaringda hasad, adovat, arazlash boʻlmasin. — Hadis

Bandasi Ollohning irodasidan chiqa olmaydi. — S. Ahmad, Ufq

2. s. t. Umuman odam, kishi.

Yaxshilikka oʻrgangan bir banda osonlik bilan oʻz yaxshiligini qoʻymaydir. — A. Qodiriy, Kichik asarlar

Hech vaqt hukmdorlar huzuriga bosh egib borgan banda emasmen. — M. Osim, Karvon yoʻllarida

Agar banda sidqidil bilan xudodan soʻrasa, tomchi oʻrniga daryo bagʻishlaydi. — Oybek, Nur qidirib

3. Kimgadir, biror kishiga qaram kishi; fuqaro.

4. koʻchma Biror narsaga butun vujudi bilan berilgan kimsa.

Nafs bandasi. Pul bandalari. Jigʻildon bandasi. Gʻilof bandasi.

— Nafs bandasi Birov ishdan kelsa, siz oshdan kelasiz, — dedi Meli polvon jahli chiqib. — P. Tursun, Oʻqituvchi

Fabrikaga in qurgan bir hovuch pul bandalari ana shu shior ostida ishlaganlar. — Gazetadan

Lekin bir kun emas, bir kun jigʻildon bandasi Abdullayev bilan choʻtalchi Moʻminovlarning chuv tushishi turgan gap. — Mushtum

— Sizning nazaringizda, hamma xotinlar latta-putta bandalari, shundaymi, — dedi Kumush Kamoliddinga. — T. Jalolov, Oltin qafas

Ozodlik maʼnosi bu emas, yolgʻon! Dollar bandasining soxta soʻzidir. — R. Bobojon, Sheʼrlar

5. koʻchma Oshiq, maftun, shaydo boʻlgan kishi haqida.

Qizning choʻlpon koʻzi yuraklarga oʻt yoqarkan, qora qoʻngʻir sochi taqimiga urib turganini koʻrgan har bir yigit unga banda boʻlar ekan. — N. Safarov, Katta karvon yoʻlida

Uch yil boʻldi, muntazirman oʻzingga, Jonim banda yarqillagan koʻzingga. — Poʻlkan, Hasan batrak

ot 1. Asir tushgan odam, tutqun, asir.

Bandi boʻlmoq.

Sarbozlar oʻn chogʻli kishini bandi qilib, Xivaga haydab ketdilar. — S. Siyoyev, Avaz

Xolxoʻja bandilarning qoʻlini yechishni buyurib, koʻrpachadan joy koʻrsatdi. — S. Ahmad, Hukm

2. Zindonga tashlangan, qamoqqa olingan odam.

Toʻrt bandini zindondan olib keldilar. — S. Ayniy, Esdaliklar

Joʻra shu Bekning sassiq qamoqxonasida bir yarim oy bandi boʻlib yotganida, oʻsha Nazar jallod har kuni ikki mahal Joʻrani qamchilatar edi. — H. Shams, Dushman

3. koʻchma Biror narsaga, holatga berilib ketgan, biror kimsa yoki narsaga bogʻlanib qolgan; maftun.

U xayollariga bandi boʻlib, dam gʻazablanib, dam oʻziga-oʻzi tasalli berib borardi. — Yoshlik

Koʻzi oʻtgan-ketganlarda, xayoli esa turli oʻylar toʻfoniga bandi boʻlgan. — Yoshlik

Odam borki, kindik qoni tomgan yerga bandi u. — Yoshlik

U hanuz bu qadar bekorchilikka bandi boʻlmagan edi. — T. Malik, Qaldirgʻoch

4. koʻchma Kishanlangan, zanjirband.

Bolam Avaz, eshit mening hasratim, qoʻl-oyogʻim bandi, kimga aytayin dardim. — Malikayi ayyor

ot 1. Homiladorlik va undan keyingi davrda, operatsiyadan oldin yoki keyin tananing tegishli (kasal) joyini normal holatda tutib turish uchun tangʻib bogʻlanadigan (kiyiladigan) maxsus kamar, belbogʻ.

Bandaj vrach nazorati ostida tanlanadi. — OʻzME

2. tex. Mashina detallari yoki konstruksiyalarning puxtaligi va chidamliligini oshirish maqsadida ularga kiygiziladigan metall halqa.

ot 1. etn. Paranjining yelkadan yon tomonga osiltirib tikilgan ikkita yengsimon qismi, soxta yeng.

Quyoshdan va changdan oqarib ketgan, bandagiga katta yamoq tushgan paranjisi bu issiq havoda uni nihoyatda qiynab qoʻygani bilinib turardi. — A. Muxtor, Opa-singillar

Bir kun tannoz paranji yopinib, oldimdan oʻtib qoldi bandagi loy ham boʻlibdi. — Mushtum

2. Loydan yasalgan xom idishlarni kulollar charxida tekislash va silliqlash uchun ishlatiladigan charm, latta yoki kigiz.

ot Bosqinchilik, oʻgʻrilik, kallakesarlik bilan shugʻullanuvchi qurollangan shaxs.

Banditlar shaykasi.

Ular (militsiya) qurollangan banditlar, pixini yorgan jinoyatchilarga qarshi kurashishi kerak. — Fan va turmush

Zaynabbibi banditlar bilan mislsiz olishuvda jasorat koʻrsatib, halok boʻladi. — Guliston

sft. 1. Ushlashga moʻljallangan dastasi, bandi, tutqichi bor.

Xotin oʻrtaga bandli, guldor xumchada vino bilan ikki stakan olib kelib qoʻydi, baliqni kesib tozaladi. — Shuhrat, Shinelli yillar

Eshon aya ichkariga oʻrin solib, obrez oldiga obdastada tahorat suvi qoʻyib, kumush bandli oʻninchi chiroqni koʻtarganicha, mehmonxonaga chiqdi. — S. Ahmad, Hukm

Oʻrta asrlarda bandli qum soatlar urf edi. — Fan va turmush

2. Birdan ortiq band, boʻlim, paragrafdan iborat boʻlgan.

Besh bandli qaror. Sakkiz bandli sheʼr.