от 1. Ўсимлик танасининг, поясининг остидан, ён-беридан ўсиб чиққан майда шохчалар, ниҳоллар.
Дарахт танасининг остида қўшимча бачкилар ўсиб чиқиб, улар дарахтни толиқтириб қўяди. — Шарқ юлдузи
Кимнингдир заиф қўллари билан тол чивиққа чала кўтарилган зангларда онда-сонда чарослар қорайиб кўринарди-ю, токларни бачки новда босиб, ғовлаб ётарди. — А. Мухтор, Чинор
2. Кўклигида ўриб олишга мўлжаллаб экилган маккажўхори.
Бачки экмоқ. Бачки ўрмоқ.
Бачки маккапоялар пишиб етилганига қарамай ўрилмаётир. — Газетадан
Шу кунларда ўрилган майдонларда маккажўхори тагпояси тез кўкариб, сал кунда бачкиси силосбоп бўлади. — Газетадан
3. с. т. эск. Болалар поябзали.
Ўғлим, беш бачкини пуллаб, ип, мум, сирач, лок оламиз, хўпми?! — Ойбек, Танланган асарлар
4. кўчма Майда, арзимайдиган, иккинчи даражали, кераксиз.
Адабиёт боғимизда чилпиб ташлайдиган бачки новдалар кўпайиб қолди. — Газетадан
Биз бачки мавзуларга қарши кураш олиб боришимиз лозим. — Газетадан
Мен ўн йилдан бери, аллақандай бачки сабаблар билан бир-биридан аразлашиб гаплашмай келган икки қўшнини танир эдим. — Газетадан
- Бачки барг Ўсимлик танасининг тагидан чиққан барг. Деҳқонлар шоналайдиган баргни — чин барг, шоналамайдиганини эса бачки барг деб атайди.