fl. 1. Bitmoq 1 feʼlining majhul nisbati.
Qaynoq qalb soʻzlari bitilgan marmar lavha gʻaribgina qabr tepasida qoldi. — S. Ahmad, Suvlar oqib ketdi
2. koʻchma din. Alloh tomonidan yozilgan, buyurilgan.
Rashidning qismatiga ota yurtiga borib yashash bitilgan edi. — E. Usmonov, Yolqin
azaldan taqdirimiz qora bitilgan ekanmi, tez kunda boshimizga ogʻir kunlar tushdi. — Oybek, Tanlangan asarlar
Biridan qochsang, boshqasiga tutilasan. Undan koʻra qochmaymiz! Tavakkal. Peshonaga bitilgani boʻlur! — P. Qodirov, Yulduzli tunlar