Қидирув

от 1. Обектив борлиқ ҳақидаги ёки муайян (илмий, маданий, маърифий, маънавий, ҳарбий ва бошқалар) соҳаларга оид илмий, амалий маълумотлар, тушунчалар мажмуи; илм.

Тил билими. Ер билими. Ҳуқуқ билими. Билим бахт келтирар. — Мақол

Билим — олтиндан қиммат, қиличдан кес-кир, замбаракдан кучли. — Газетадан

Чинакам хаёл гениал билим талаб қилади. — С. Кароматов, Олтин қум

Биздан талаб қилинадиган нарса бутун куч ва ҳарбий билимни ишга солиш. — Н. Сафаров

Шу [газета ва журналлар ўқиш] билан дунёвий билимларга бўлган ташналикларини қондирар, оламдаги гаплардан хабар топар эди, — К. Яшин, Ҳамза

2. Ўқимишлилик даражаси, маълумот, қобилият (эрудиция).

Унинг билими зўр. Билимим етишмайди. Билаги зўр бирни йиқар, билими зўр мингни йиқар. — Мақол

Бу мансабга у ҳалол меҳнати, билими, эл ишига садоқати туфайли эришди. — Газетадан

Менга қолса, институтга эшик қолиб, тешикдан кирмагани маъқул Уз билими билан кирсин. — Ў. Ҳошимов, Қалбингга қулоқ сол

Ёдгор унинг отини билолмай қолган бўлса ҳам, билимига тан берган, узоқ вақтгача қизнинг гапларини, чиройли чеҳрасини унутолмай юрган эди. — Ў. Ҳошимов, Қалбингга қулоқ сол

сфт. 1. айн. Билимдон 1.

Билимли ўзар, билимсиз тўзар. Мақол.

Устоз билимли, шогирд илмли. — Мақол

Олтин ерда қолса ҳам, билимли ёʻлда қолмас — Мақол

Азизанинг назарида, ҳар томонлама мукаммал, одобли, билимли йигит шу эди. — Ў. Ҳошимов, Қалбингга қулоқ сол

2. Ўз касбининг устаси, моҳири, тажрибакор.

Зироат илмига олим, билимли деҳқонсан. Ҳабибий.

Билимли, кўзли деҳқонларни кўрдик. — Ҳабибий

сфт. 1. Билимларни мукаммал эгаллаган; катта илмга, маълумотга эга бўлган; билағон, ўқимишли; билимли.

Билимдон одам,

Нодон зарбоф тўнда ҳам нодон, Билимдон чирик чопонда ҳам билимдон. — Қанотли сўзлар

У — билимдон ва меҳрибон устоз, мураббий, сирдош дўст, куйинчак ва меҳнаткаш инсон. — Ёшлик

Ақлли, билимдон киши суви мўл дарёдек шовқин-суронсиз умр кечиради. — Р. Раҳмон, Меҳр кўзда

2. Катта иш тажрибасига эга; ўз ишини, соҳасини яхши биладиган; омилкор, билармон.

Билимдон ишчи.

Уни [Хадичани] қишлоқ аёлларининг энг ўктами, билимдони деб мақташар эди. — Ҳ. Назир, Сўнмас чақмоқлар

сфт. кам қўлл. айн. Билимли.

— Хўп бўлмаса, — деб темирчини етти йил ўқитиб, илмдор, билимдор қилган экан. — Луқмони Ҳаким

— Сизни илмдор, билимдор қилишликка тоқатим камроқ, — дебди. — Луқмони Ҳаким

сфт. 1. Билими, илми ёʻқ; маълумоти ёʻқ, ўқимаган; нодон.

Билимсизга иш ёʻқ, ишсизга ош ёʻқ. Мақол. н

Навоий билимсиз табибларни жаллод шогирдига ўхшатади. — Фан ва турмуш

2. Турмуш тажрибасига эга бўлмаган, турмушнинг икир-чикирларини билмайдиган; тажрибасиз.

Чўл ўзлаштириш, чўлда ишлаш билимсизга қийин экан. — Ўзбекистон қўриқлари

от Билимларни пухта эгаллаганлик; билағонлик.

Мударрислар ўз билимдонликларини кўрсатиб обрў орттириш учун бирон масала устида итдек олишар эди. — П. Турсун, Ўқитувчи