Qidiruv

ot Transport vositalari (lokomotiv, vagon, avtomobil)da paydo boʻladigan zarbalarni yumshatish uchun oʻrnatiladigan, odatda pishiq poʻlat, rezina yoki plastmassadan tayyorlanadigan moslama.

Parovoz uzoq gudok berib, joyidan qoʻzgʻal-di Vagonlarning buferlari gʻijirlab, poyezd yana yel quvib uchdi. — M. Muhamedov, Qahramon izidan

Beton toʻsin qiyshayib, bufer tekkan joyning simlari chiqib qolgan edi. — N. Alimov, Yolgʻonchi farishtalar

Buferlarning bir-biriga urilishidan hosil boʻlgan ovozlar birdaniga tinib qoldi. — N. Safarov, Olovli izlar

ot 1. Idish-tovoq, meva-cheva, ichimlik va shu kabilar saqlanadigan maxsus javon (shkaf).

Latofat bufetdan guldor tarelka olib, hujraga kirib ketdi. — Shuhrat, Shinelli yillar

Zevarxon bufetdagi Chayka degan shokoladdan olib, Ashurga tutqazdi. — N. Aminov, Qahqaha

2. Katta oshxona va restoranlar, muayyan korxonalar qoshida tashkil etiladigan, yengil-yelpi ovqatlanish uchun moʻljallangan doʻkon; tamaddixona.

Stansiya bufetida kunini kech qilib, qoq yarim tunda qaytardi. — S. Ahmad, Ufq

Toʻraxoʻja sinfdoshlarini bufetga taklif etib, muzqaymoq, suv, shirinliklar bilan mehmon qildi. — D. Nuriy, Osmon ustuni

ot Bufetda ishlovchi savdo xodimi.

Bufetchi Roziqvoy ruxsat soʻrab, kabinet eshigini ochdi-yu, bedana yurish qilib kelib, qoʻl choʻzdi. — A. Muhiddin, Chap choʻntak

Savlatidan ot hurkadigan yigit kafega kirib kelganida, bufetchi ayol koʻz qirini tashlab qoʻydi. — Mushtum