Qidiruv

sft. 1. Kam topiladigan, noyob va qadrli; taqchil.

Erur ozki, firuza boʻlmish aziz — A. Navoiy

Suv boshqa joylarga ham xuddi shu yerdan taqsimlanadi. Sakkiz kun Margʻilon bilan Simga, sakkiz kun Chimyon Oltiariqqa oqadi. Shuning uchun ham suv bizda odam qoniday aziz. S. — Ahmad, Ufq

2. Hayot uchun eng zaruriy va qadrli, tengi yuq.

Aziz taom.

Bugʻdoy shunday aziz ovqat. — Oybek, Tanlangan asarlar

Gʻalla xalqimizning peshona teri bilan, bilak kuchi bilan bunyodga kelganligi uchun ham aziz va muqaddasdir. — Gazetadan

3. Eʼzoz-eʼtiborga, izzat-hurmatga loyiq, ardoqli, qadrli.

Aziz Vatan. Aziz mehmon. Bola aziz, odobi undan aziz. — Maqol

Er siylangan yerda aziz. — Maqol

nahot sen, mening pushti kamarimdan boʻlgan, jondan aziz farzandim, shu haqiqatni tushunmasang

4. Oliy qadrga ega, tabarruk.

U yerda [Shohimardonda] allaqanday bir azizning qabri bor deyishadi, — K. Yashin, Hamza

Oʻzbekiston azizlar Vatani. — Gazetadan

5. Qayd etilgan belgi-xususiyatlarga egalikni taʼkidlovchi munosabatni bildiradi.

Aziz doʻstim. Aziz ustozlar.

Azizim, qizingizning baxtini birovlarning ostonasidan qidirmang. — A. Qahhor, Ogʻriq tishlar

6. Aziz (erkaklar ismi).

fl. kam. qoʻll. Izzat-hurmat qilmoq, aziz tutmoq.

Bu soʻzni eshitib, Barchin azizlab yuradigan bola — Yodgor qanday boʻlib yuribdi, — dedi. — Yodgor

fl. Azizlamoq feʼlining majhul nisbati.

ot (asosan, koʻplik shaklida — aziz-avliyolar). Eʼtiqodga koʻra (odatda, oʻtgan), moʻjizalar koʻrsatuvchi, karomat, bashorat qiluvchilar.

Folbinlarga bordim, aziz-avliyolarga nazr atadim. — Oybek, Tanlangan asarlar

Hoji xola ancha aziz-avliyolarni aytdi-yu, ammo Oqtoʻppi eshonni bir marta ham ogʻziga olmadi. — M. Ismoiliy, Fargʻona tong otguncha

fl. Azizlamoq feʼlining birgalik nisbati.

sft. 1. kt. Mazasi yoqimli; shirin, lazzatli.

Ulamolar esa, goʻyo uch kundan beri tuz totmaganday, laziz ovqatlarga chigirtkaday yopirilib ura boshladilar. — Oybek, Nur qidirib

2. koʻchma Huzur bagʻishlaydigan; totli.

Adhamning aspiranturada qolishi aniqlangandan keyin, ular ahd-u paymonlar bilan toʻlib toshgan laziz oila hayotini boshlab yuborishdi. — H. Ziyoxonova, Birinchi maktub

3. Laziz (erkaklar ismi).