Қидирув

от 1. этн. Аёлларнинг маййит чиққан уйда йиғи билан ўтказадиган мотам маросими.

Аза га борган хотин ўз дардини айтиб йиғлар. — Мақол

Камбағал уруғ-аймоқ, қўни-қўшнилар, тўйда, азада семирадиган юримсак аёллар қоронғида туртиниб, пиёда жўнашди. — Ойбек, Танланган асарлар

2. Маййит чиққан уйдаги мотам жараёни.

Азада қатнашмоқ. Азага кириб, фотиҳа ўқиб чиқмоқ.

3. кўчма Умуман, мотам каби ҳолат; зид. тўй, хурсандчилик.

Бу ҳолат кимга тўй, кимга аза. Тўғри, камбағалнинг боши ғамдан чиқмайди. Ҳайити ҳам аза, жумаси ҳам аза. — Ойбек, Танланган асарлар

4. кўчма с.т. Умуман, йиғи-сиғили ҳолат, беҳуда йиғи-сиғи (аёлларга нисбатан).

Шунга ҳам азами, йиғиштир йиғи-сиғингни.

от зид. Бошланиш даври ёʻқлик, бошланиши номаълум замон. абад.

Ариқ қазиш, сув чиқариш тўғрисига келсак, бу эски гап, азалнинг иши. — М. Исмоилий, Фарғона тонг отгунча

сфт. 1. эск. кт. Улуғ, буюк.

2. Аъзам (эркаклар исми).

сфт. Қадимдан қолган, узоқ замонлардан давом этиб келаётган, узоқ тарихга эга бўлган; қадимги.

Азалги одат. Азалги орзу.

Бу ўлканинг ариқларини азалги тажриба ва уқув билан ва бениҳоя зўр, доимий меҳнат билан яратибди. — Ойбек, Олтин водийдан шабадалар

сфт. эск. кт. Бошланиш даври ёʻқ, азалга оид.

Мен коинот, яъни моддий дунё нури илоҳийдан пайдо бўлган, ул азалий ва абадийдур, деб айтганман. — М. Осим, Ибн Сино қиссаси

от Азали жой, хонадон.

Кечаги боғча бугун азахоналар каби кишининг кўнглини ғаш-қайғу билан тўлдирарди. — С. Айний, Эсдаликлар