Qidiruv

Qishga asraladigan uzumni osib qoʻyish uchun ship ostiga qurilgan maxsus dor, yogʻoch. .��

Ishkoshar yoqutu aqiq xazina, qirq besh nom uzum(lar) osilgan atan — Gʻ. Gʻulom

fl. 1. Atamoq 1 feʼlining majhul nisbati.

2. Nom chiqarmoq.

[Shavkat Hakimovich] Oʻzining vohasida atangan odam edi M. — M. Doʻst, Lolazor

ot 1. Kishining tugʻilib oʻsgan oʻlkasi, shahri yoki qishlogʻi; yurt, diyor.

Bulbul chamanni sevar, odam — vatanni. — Maqol

U [Bektemir] uzoq vatani, ota-onasi, sermehnat, sertashvish, hamma vaqt bolalarning qiy-chuvi bilan toʻlgan katta oilani eslardi. — Oybek, Quyosh qoraymas

Tugʻilgan vatanim — shu Oʻzbekiston. — Fozil Yoʻldosh oʻgʻli

2. Kishi tugʻilib oʻsgan va oʻzini uning fuqarosi hisoblagan mamlakat; ona yurt.

Ona vatan. Ulugʻ vatan.

Kishining qadri amali va unvoni bilan emas, vataniga, xalqiga qilgan xizmati bilan oʻlchanadi. — Shuhrat, Shinelli yillar

3. Turarjoy, boshpana, maskan, uy.

Yoshi yigirma beshni qoraladi. Lekin boshida na boʻyradek vatani bor, na jonida halovati. — S. Siyoyev, Avaz

Tiktepada turadigan vatani yoʻq, otasidan qolgan choldevor buzilib, yorilib ketgan. — A. Qodiriy, Obid ketmon

4. Oʻsimlik va shu kabilarning asli kelib chiqqan yerini bildiradi.

Uy limoni — rutagullilar oilasiga mansub, doim yashil subtropik oʻsimlik. Vatani — Xitoy, Yaponiya, Sharqiy Hindiston. — Uy-roʻzgʻor ensiklopediyasi

rvsh. kt. Odat boʻyicha, odatdagicha, har vaqtdagidek.

Odatan kun qiyomga yetganda, zavod gudok berar edi.

sft. Pardoz-andozga, kiyinishga zeb bergan; olifta, bashang.

Satang ayol.

Kelinining quruq, satang, eriga mehri yoʻqligidan xufton boʻlib turgan Xayribibining yuragi ezildi. — D. Nuriy, Osmon ustuni

— Ey bebosh bola, sochi kalta, dumi yuluq bir satangga uylanib olibsan-u, onang bexabar, — dedi Karomat. — Sh. Saʼdulla, Ikki bilaguzuk