Поиск

ot 1. Choʻmilish, yuvinish uchun yasalgan katta uzunchoq tos, idish.

Sirlangan vanna. Vannada choʻmilmoq.

Nam sochining yiltillab turishi qizning hozirgina vannadan chiqib kelganligidan dalolat berardi. — J. Abdullaxonov, Oriyat

2. tex. Har xil eritma, suyuqlik va shu kabilarni solish yoki turli jarayonlarni olib borish uchun foydalaniladigan maxsus idish.

Remont olib borilayotgan yopiq maydoncha bu ishga mutlaqo moslashtirilmagan: bu yerda verstaklar, vannalar yoʻq. — Gazetadan

3. Gigiyena va profilaktika maqsadida suv, balchiq, havo yoki oftob taʼsir ettirish yoʻli bilan amalga oshiriladigan muolajalar; davolash (davolanish)ning shunday vositasi.

Quyosh vannasi. Havo vannasi.

Yoz oylarida bu yerda [Chimyon suvida] har kuni bemorlar ikki yuzga yaqin vanna olishadi. M. — Mansurov, Chimyon suvi

Sovuq paytda — issiq, issiqda — sovuq suvli oyoq vannasi qabul qilinadi. — Fan va turmush

Turli xil davolash vannalari bemorlarning sogʻligʻini yaxshilashda katta rol oʻynamoqda. — Gazetadan

ot 1. din. Begunoh, taqvodor kishilar u dunyoda yashaydigan rohat-farogʻatli joy, behisht.

Qoshing bilan koʻzing shoʻx, ilohi oʻlmagaysan, Jannatdagi hurlarning birovi boʻlmagaysan. — Oq olma, qizil olma.

2. koʻchma Hamma narsa muhayyo boʻlgan, obod, rohatbaxsh, xushmanzara joy.

Boʻlsin deymiz jahon boʻylab Insonlar yeri jannat. — M. Shayxzoda.

Safo maxsumning nigohi shu jannat bogʻlar, dalalarda kezsa ham, oʻy-xayoli boshqa yoqda. — H. Gʻulom, Zamin yulduzlari

Yoz paytlari ularning [Azizaning] bogʻi jannat boʻlib ketadi. — Oʻ. Hoshimov, Qalbingga quloq sol.

3. Jannat (xotin-qizlar ismi).

sft. Jannatga tushadigan begunoh, farishtaday pok odam.

— Ammo oʻzlari ham jannati xotin, — dedi Safarqul. — H. Gʻulom, Toshkentliklar

ot Afrika, Janubiy Amerika, Shimoliy-Sharqiy Avstraliya va Janubiy Osiyo-da: oʻsimliklarning tropik oʻrmonlar va sahrolar oraligʻida tarqalgan mintaqaviy tipi; unda baland, boʻliq oʻtlar orasida hakkam-dukkam yoki toʻp-toʻp daraxtlar hamda butalar oʻsadi.

Choʻchima, raqqosa! Tamtam sasidan Endi yangrab ketsin savannalar ham. — H. Sharipov, Quyoshga oshiqman

Issiq poyasdagi choʻllar savannalar deb ataladi. — Geografiya

Mening koʻz oʻngimda tovlandi hatto Beqaror Afrika savannalari. — M. Kenjaboyev

ot iqt. Korxonaning mahsulot ishlab chiqarish va uni sotish hamda ishlar bajarish yoki xizmat koʻrsatish uchun qilingan jami joriy xara-jatlarining pul shaklidagi ifodasi; mahsulotning ish haqi va ishlab chiqarish xarajatlaridan iborat oʻz narxi.

Mahsulot sifatining yomonligi, tannarxining qimmatlashgani haqida nega lom-mim demaysiz. — Mushtum

Tuproqqa qoʻshiladigan polimerlarning tannarxi uncha qimmat emas. — S. Karomatov, Fan — bizning kompasimiz

ot 1. din. Gunohkorlarning ruhi narigi dunyoda doimiy azobda yashaydigan joy; doʻzax.

— Jahannam qaʼriga ketibdi zolim! — deb gap otdi Sodiq temirchi. — H. Gʻulom, Mashʼal

2. koʻchma Chidab boʻlmaydigan sharoit, azob, ogʻir muhit.

Oktyabrning oxiri edi. Kun issiq boʻlsa ham, lekin yoz oylarining jahannamiga nisbatan bu faslning havosi pokistonliklar uchun juda muloyim, hatto salqindek sezilar edi. — Oybek, Nur qidirib

Nega ona toʻngʻich qizini jahannamga tashlamoqchi? Ostin-ustun boʻlib ketdimi bu dunyo? — I. Rahim, Chin muhabbat

Gulnor uch kunni jahannam azobida oʻtkazdi. — Oybek, Tanlangan asarlar

3. kom qoʻll. Jarlik, jar; tubsiz yer.

Nima qilardi deysiz, hamma gap suvda-da. Mana shu jahannamda oqayotgan suvni baland koʻtarib, choʻllarni obod qilmoqchi boʻlgan, deydilar. — Oydin, Shirin keldi