Қидирув

сфт. 1. Эшитиш, кўриш, тушуниш жиҳатдан яхши, тўла ифодали.

Аниқ жавоб. Аниқ кўрсатмалар. Аниқ эшитмоқ.

Саодатхон орзиқиб жавоб кутар, Тожибой ака бўлса, аниқ жавоб бермай, гапни айлантирар эди. — С. Зуннунова, Олов

Кўпчилик томонидан маъқулланган амалий, аниқ таклифлар киритилди. — Газетадан

2. Ҳақиқатга мос, ҳақиқий.

Буни қарангки, шундай соддагина, лекин аниқ фактларга асосланган фикр-мулоҳазалар республика партия ташкилотининг ўша вақтдаги раҳбарида қаҳр-ғазаб уйғотибди. — Газетадан

3. Бекам-кўст ва тўғри.

Аниқ ҳисоб-китоб ва режа билан бошланган иш унумли бўлади. — Саодат

4. Белгили, маълум.

Келиш вақти аниқ.

Гулрўйнинг фарёди сабабми ё оқсоқолларнинг ўзлари аниқ бир тўхтамга келишдими, ишқилиб, шу туннинг ўзидаёқ қабристонга ёʻл олишди. — Ёшлик

5. мод. с. взф. Фикрнинг чинлигини билдиради; албатта, шубҳасиз.

Холмирза ака ичидан шу ғайратинг бўлса, икки йилда Хирмонтепадан аниқ айриламиз, деб ўйлайди. — А. Қодирий, Ғирвонлик Маллавой

Энди кимга оғиз солсанг, ғиринг демай тегиши аниқ. — С. Аҳмад, Юлдуз

от Аниқ ифодалилик.

Ўлчов асбобларининг аниқлиги. Фикрнинг аниқлиги.

Энди бизга аниқлик кўпроқ ёқади. — Саодат

фл. 1. Сўраб-суриштириб, аниқ маълумот олмоқ, билиб олмоқ.

Меҳмонларнинг кимлар эканини аниқламоқ. Масалани аниқламоқ. Вазифани аниқламоқ.

Йигитлардан бири меним ким эканлигимни аниқлаб олди. — А. Қодирий, Меҳробдан чаён

2. Тайинини, воқе ҳолатни белгиламоқ.

Оғирлигини аниқламоқ. Масофани аниқламоқ.

Беруний мучал ҳисобининг асли сабабини аниқлай олмаган бўлса ҳам, тахмини ҳақиқатга анча яқин туради. — Фан ва турмуш

3. Воқе ҳолатли қилмоқ; топмоқ.

Ер ости конларини аниқламоқ.

Жуда ҳам аниқ, тайинли, белгили.

Аниқ-таниқ одам,

Алижон автомашиналарга тикиларди. Уларнинг бирини Норқўзи ҳайдаб кетаётганини ҳам аниқ-таниқ кўрди. — Мирмуҳсин, Чиниқиш.

фл. Аниқламоқ феълининг мажҳул нисбати.

фл. Аниқламоқ феълининг орттирма нисбати.