Изоҳли луғат
· яна 7 та луғатда
от 1. Жисмоний ёки руҳий қийноқ.
Виждон азоби. Руҳий азоб. Илгари ёʻл азоби— гўр азоби дердилар.
[Ғуломжон] Юрагидаги бор дардларини, тортган азобларини бир-бир айтиб берди. — М. Исмоилий, Фарғона тонг отгунча
2. Иш-меҳнат қийинчилиги, машаққати.
[Хадича] Ўғли не-не азоб билан ясаган столлар, ўриндиқларнинг ташқарига чиқариб уйилаётган синиқларини кўриб, дод солиб юборди. — М. Исмоилий, Фарғона тонг отгунча
- Азоб бермоқ Қийнамоқ, қийноққа солмоқ. Ёʻтал ёмон азоб беряпти.Зиндонбоннинг даромади қамалганларга азоб бериш воситаси билан улардан олинадиган 4-5 танга пулдир. — С. Айний, Дохунда
- Азоб чекмоқ (ёки тортмоқ) Руҳан ёки жисмонан қийналмоқ. Аёл тун бўйи азоб чекиб, тонготарга яқин кўзи ёриди. — П. Турсун, ЎқитувчиОчликдан нечоғлиқ азоб тортганини Навоий ҳам эшитган бўлса керак. — П. Қодиров, Юлдузли тунлар
- Гўр азоби Ўта азоб, қаттиқ азоб. Гўр азобида етиштирган пахтасини заводга келтириб, сув-текин сотади — М. Исмоилий, Фарғона тонг отгунча
- Ит азобида Ниҳоятда азоб чекиб, ўта азоб билан. Ит азобида тунни ўтказди. — С. Сиёев
- Нима азоб Нима жазо, нега мунча қийналиш (қийналиб бирор иш қилаётган кишига ачиниб айтиладиган ибора). — Нима азоб, дадаси, ўпкангиз қирилиб кетди-ю,— Ойшабону эрига ачиниб гапирди. — Ҳ. Ғулом, Машъал