Qidiruv

ot 1. etn. Ayollarning mayyit chiqqan uyda yigʻi bilan oʻtkazadigan motam marosimi.

Aza ga borgan xotin oʻz dardini aytib yigʻlar. — Maqol

Kambagʻal urugʻ-aymoq, qoʻni-qoʻshnilar, toʻyda, azada semiradigan yurimsak ayollar qorongʻida turtinib, piyoda joʻnashdi. — Oybek, Tanlangan asarlar

2. Mayyit chiqqan uydagi motam jarayoni.

Azada qatnashmoq. Azaga kirib, fotiha oʻqib chiqmoq.

3. koʻchma Umuman, motam kabi holat; zid. toʻy, xursandchilik.

Bu holat kimga toʻy, kimga aza. Toʻgʻri, kambagʻalning boshi gʻamdan chiqmaydi. Hayiti ham aza, jumasi ham aza. — Oybek, Tanlangan asarlar

4. koʻchma s.t. Umuman, yigʻi-sigʻili holat, behuda yigʻi-sigʻi (ayollarga nisbatan).

Shunga ham azami, yigʻishtir yigʻi-sigʻingni.

ot kt. Qasd, kirishish jazmi, qatʼiy maqsad-intilish.

Bu manba — ulugʻ ajdodlarimizning qonimizda joʻsh urayotgan azm-u shijoatidir. — Gazetadan

ot 1. Odam yoki hayvon organizmining muayyan bir vazifani bajaruvchi qismi.

Sezgi aʼzolari. Ichki aʼzolar.

Har bir aʼzosi qaqshab ogʻrirdi. — Sharq yulduzi

2. Kishining butun vujudi; badan, tana.

— Siz nima javob berdingiz? — dedi butun aʼzosini titroq bosgan Gulsumbibi qichqirib. — Oybek, Tanlangan asarlar

3. Biror guruh, hudud va shu kabilarda yashovchi, unga mansub shaxs.

Oila aʼzosi. Mahalla aʼzolari.

4. Biror guruh, kengash, jamoa, jamiyat va shu kabilarga rasmiy qabul qilingan, saylangan, unda faoliyat koʻrsatuvchi shaxs, jamiyat, mamlakat va shu kabilar.

Partiya aʼzosi. Kengash aʼzosi.

Guruh aʼzolari qidiruv ishlarini moy tomchisi izidan boshlashga qaror qilishdi. — Gazetadan

Jahon hamjamiyatining teng huquqli bir aʼzosiga aylangan Oʻzbekiston hech qachon urush tarafdori emas va u tinchlik uchun kurashda mudom ishtirok etaveradi. — Gazetadan

ot zid. Boshlanish davri yoʻqlik, boshlanishi nomaʼlum zamon. abad.

Ariq qazish, suv chiqarish toʻgʻrisiga kelsak, bu eski gap, azalning ishi. — M. Ismoiliy, Fargʻona tong otguncha

sft. 1. esk. kt. Ulugʻ, buyuk.

2. Aʼzam (erkaklar ismi).

sft. 1. Koʻrinish, tuzilish eʼtibori bilan gʻoyat katta, ulkan.

Azim terak. Azim togʻlar. Azim daryo. Shahri azim.

Eski Joʻvada azim bir jamoa yigʻib, Azizbek bilan boʻlgan mojarosini soʻzladi. — A. Qodiriy, Oʻtgan kunlar

2. Azim (erkaklar ismi).