Қидирув

рвш. 1. от кам қўлл. (асосан 1-шахс эгалик ва ўрин-пайт келишиги шаклида) Бош(и), бошланиш(и). зид. охир.

Ишнинг аввали ва охири.

Хуллас, бугун ёшлигимни эслашим ва гапнинг аввалини шундан бошлашимнинг сабаби бошқа. — Шукрулло, Жавоҳирлар сандиғи

Мулоҳазаларимиз аввалида видеофилм ҳақидаги айрим фикрлар, баҳоларни муштарийга етказмоқчи бўлдик. — Газетадан

2. рвш. Ўтган вақтлар(да), ҳозирга қадар; илгари. зид. ҳозир.

Тирикчилигимиз аввал қандай бўлса, ҳозир ҳам шундай. — Ойбек, Танланган асарлар

Бу кенг хонага Ғуломжон авваллари ҳам кўп келган эди. — М. Исмоилий, Фарғона тонг отгунча

3. Биринчи навбатда, биринчи бўлиб; дастлаб.

Аввал қариялар дастурхонга таклиф этилди.

Аввал таом, баъдаз калом. — Мақол

Аввал тўнғич ботир пойловчилик қилибди. — Чалпак ёққан кун

4. Бошланишда; бошда.

Аввал ҳеч нарса сезилмади, бир оз ўтгач, оғриқ тура бошлади.

5. кўм. взф. Бирор воқеа, ҳодиса ёки ҳаракатнинг бошқасидан ёки шу ҳақда сўз бораётган вақтдан олдин бўлганлигини билдиради.

Учрашувимиздан аввал. Бундан тўрт йил аввал.

Мана сўнгги хотира: икки ярим йил аввал меҳрибон она уни шаҳарга узатади. — Ойбек, Танланган асарлар

рвш. 1. Энг аввал, даставвал, дастлаб, биринчи галда.

— Тақсир, — деди Олахўжа махсум отдай пишқириб, — агар бу киши болаларни ўқитмоққа келган бўлса, аввало унинг ўзини ўқитмоқ лозим. — П. Турсун, Ўқитувчи

2. крш. с. взф. Аввали шуки, биринчидан.

— Аввало, менинг уйим ёʻқ. Ундан кейин мени муборакбод қилиб турган танишларим ҳам ёʻқ, — деди Анвар қўл силтаб. — А. Қодирий, Меҳробдан чаён

рвш. айн. Аввало.

рвш. Вақт эътибори билан бошқасидан олдин, илгари бўлган; илгариги, олдинги.

Аввалги хат. Аввалги ваъда. Урушдан аввалги йиллар.

Ёʻлчи тилсиз каби ғайришуурий равишда бошини чайқади ва аввалги вазиятда қотди. — Ойбек, Танланган асарлар

айн. Аввал 4. Бошда.

Аввалига ширин эрмак бўлган бу гаплар, бола 5-6 ёшга борганда, катталарни ўнғайсиз ҳолга солиб қўядиган бўлиб қолди. — Газетадан

Аввалига таксичи бунга эътибор бергани ёʻқ. — Газетадан

крш. с. взф. Аввали шуки, аввало.

— Авваламбор, — деди зардаси қайнай бошлаб Холмирза, — менинг бригадамда сиз боп иш ёʻқ. — Ҳ. Назир, Ўтлар туташганда