Uzatishning asinxron usuli standartlariga mos ravishda, maʼlumotlar bloklarini tezkor qayta uzatishni taʼminlaydigan kommutator. ATM kommutatori maʼlumotlarni 1000 Mbit/sekundli tezlikkacha uzatadigan kanallar bilan ishlaydi. Bu lokal tarmoqlar, asosiy kompyuterlar va yuqori tezlikdagi ishchi stansiyalarining bir-biri bilan aloqasini taʼminlaydi. ATM kommutatorlarining oʻtkazish qobiliyati oʻnlab Gbit/sekundga yetishi mumkin. Bunga erishish uchun qayta uzatish faqat apparat vositalar bilan amalga oshiriladi. Kommutatorlar “qaynoq almashtirish” imkoniyatlariga ega, yaʼni ulardagi modullarni kommutatorni tarmoqdan oʻchirmay almashtirish mumkin.