Qidiruv

ot Yuz yillik davr, yuz yil.

Yigirmanchi asr.

Oʻtgan asrning soʻnggi kuzi Qorabuloqqa ochiq chehra bilan keldi. — M. Ismoiliy, Fargʻona tong otguncha

Bu daraxtlar bir necha asr umr koʻrgan. — Oybek, Nur qidirib

sft. kt. Asrlar boʻyi yashab, davom etib kelayotgan.

Asriy obidalar. Mehnatkashlarning asriy orzulari.

Choʻqqisi bulutlardan oshgan asriy togʻlar, yer yuziga mangu nur sochib turgan toʻlin oy va charaqlab turgan son-sanoqsiz yulduzlarga hasad bilan qaraydi. — 3. Fatxullin, Soʻnmas yulduz

ot 1. esk. kt. Sir; sirlar.

Zaynab endi oʻz asrorini, Armonini, istak, zorini Opasiga etib oshkora, Qilmoqchidir dardiga chora. — H. Olimjon, Zaynab va Omon

Sergey Qobilning yuragida koʻmilib yotgan sir-u asrorini bilish uchun olisdan gap boshlashga qaror berdi. — H. Gʻulom, Mashʼal

2. Asror (erkaklar ismi).

fl. 1. Yomon taʼsirdan, salbiy hodisadan himoya qilmoq.

Maqsadimiz elni asrash.

Shundan buyon Unsin yigʻlaydi. Shokir ota: Zolimning zulmidan asra! deb Yoʻlchi uchun qaygʻuradi. — Oybek, Tanlangan asarlar

2. Yoʻq boʻlish va shu kabilarga qoʻymay, ehtiyot holda tutmoq.

Oʻgʻli Muhammad Rasul Mirzaboshi otasidan qolgan va oʻzi toʻplagan ikki mingdan ziyod kitoblarni hech kimga bermay, kelajak uchun asraydi. — K. Yashin, Hamza

Orolni asrash komitetining tashabbusi bilan Oʻzbekiston melioratsiya va suv xoʻjaligi vaziri K. Sapayev bilan uchrashuv boʻlib oʻtdi. — Gazetadan

3. Biror maqsadda parvarishlab qaramoq; boqmoq.

Mol asramoq. Qush asramoq.

ot Boshqa ota-ona qaramogʻiga, farzandligiga olib tarbiya qilingan.

Asrandi bola. Asrandi oʻgʻil. Asrandi qiz.

Liza oʻn uchga kirgan boʻlsa ham, oʻzining asrandi ekanligini mutlaqo bilmaydi. — N. Nazarov, Zamon

ot Biror shaxs bilan bir zamonda, bir davrda yashagan yoki yashayotgan shaxs; zamondosh.

Navoiyning asrdoshlari.

Ey, jahonga arzigan inson, Asrimizga asrdosh boʻlgan, Koʻnglimizga chin sirdosh boʻlgan. — E. Abbos