Поиск

sft. 1. din. Shariat hukmiga muvofiq yeyish, ichishga, foydalanishga yaramaydigan, halol emas.

Eshakning kuchi halol, goʻshti harom deganlaridek

U Ashir bilan qoʻl berib soʻrashishga hazar qilibdi. Chunki Ashir choʻchqaboqar-da! Balki choʻchqa shariatda harom maxluq hisoblangani uchun undan hazar qilgandir. — S. Anorboyev, Oqsoy

2. Shariat boʻyicha, anʼana yoki tartib-qoidalarga koʻra man etilgan ish, xatti-harakat; shu yoʻl bilan topilgan narsa; hayotida shunday yoʻl tutuvchi kimsa.

Toʻgʻri boʻl, haromdan hazar et, degansiz. Yigʻlab turgan gʻaribning yoniga kir, koʻnglini ol, degansiz. — S. Siyoyev, Avaz

Jinoyatchilik yoʻli bilan topgan harom pulingiz hisobiga yegan ovqatlarimizdan hali ham oʻqib yuribmiz. — Mushtum

Shunaqa harom odamlar oʻz egalariga yaxshi xizmat qiladilar — Mirmuhsin, Meʼmor

3. s. t. Jinsiy munosabatdan soʻng gʻusl qilmagan, choʻmilmagan.

4. Foydalanish mumkin boʻlmagan, esiz ketgan narsalarga nisbatan qoʻllanadi.

U bu majlisga Saidgʻozi bilan birga kechalari uyqusini harom qilib tayyorlandi. — S. Anorboyev, Oqsoy

yo haftada bir keladigan dam olish kunini ham haromga chiqarib, bozor-oʻchar qilsinmi? — T. Alimov, Ishqilib, oʻqimagan boʻlsin-da

Endi bu yerlar bizga harom boʻlibdi, Bu arab yurtida bizga nima bor? — Bahrom va Gulandom

ot Biror ish, faoliyat yoki jarayonning meʼyoriy oʻlchovi; meʼyor.

Ish maromga keldi.

Sahar turdik, kech yotdik, jon koyitdik, har bir ishni maromida qildik. — Gazetadan

Baqirgandan koʻra maromi bilan sekinroq qilingan taʼna quloqqa yaxshiroq oʻrnashadi. — Gazetadan

ot Odamlar, transport vositalari, yuklarni daryo va koʻllardan oʻtkazish uchun moʻljallangan maxsus qurilma, sol.

Shvetsiya bilan Finlyandiya oʻrtasida qatnaydigan yangi parom qurilishi boshlab yuborildi. — Gazetadan

ot 1. Oʻzaro nikoh qilinmagan erkak va ayoldan tugʻilgan bola.

— Ana shunday kunlarning birida oʻzim yolgʻiz oʻtirib, haj yoʻlida orttirgan haromimga koʻylakcha tikayotgan edim, — dedi Hoji xola. — M. Ismoiliy, Fargʻona tong otguncha.

Bizning yuzimizga oyoq qoʻyib, nikohsiz zagsdan oʻtib olding. Endi uyalmasdan, haromi bolangni koʻtarib keldingmi?! — Gʻayratiy, Dovdirash

2. koʻchma Shunday maʼnoli soʻkish, haqoratni bildiradi; iflos, yaramas.

Sut koʻr qilgur, haromi Gitler oqpadar — Gʻ. Gʻulom

Men seni johil, shuhratparast bir sak deb yursam, odam qoniga tashna zuluk ekansan-ku, haromi! — S. Siyoyev, Avaz

ot 1. Savdo-sotiq, mehnat, ishlab chiqarish sohalaridan davlat yoki ayrim shaxslar hisobiga kelib tushadigan sof pul va boshqa xil tushumlar; kirim.

Bir kunlik daromad. Davlat daromadi. Milliy daromad. Daromadga qarab buromad. — Maqol

Unumli mehnat — katta daromad. — Maqol

Toʻgʻrilik, halollik tufayli topilgan daromad oilaga baxt keltiradi. — Saodat

Oʻzbekiston sharoitida asalarichilik yaxshi daromad beradigan soha hisoblanadi. — M. Toʻychiyev, Asalarichilik

Daromadga yarasha buromad deganlaridek, toʻy ham shunga qarab juda dabdabali oʻtdi. — Mushtum

2. Muqaddima, kirish.

Gapning daromadi.

Gapning daromadi tugab, endi buromadga koʻchdi, shekilli, — oʻyladi chol. — Mushtum

Shu orada ertakning daromadi tugab, Qosimaxon suv parisi haqida gapira boshladi. M. M. — Doʻst, Galatepa qissasi.

3. Biror maqsadni anglatish uchun shu maqsad atrofida uzoqdan boshlangan gap.

— Shunaqa qilib, Narzini ham yubormoqchimisiz? — dedi kampir, darrov gapning daromadini payqab. — H. Nazir, Mayoq sari

domlaning soʻz daromadiga qaraganda, sizni oʻziga kuyov qilish fikri borga oʻxshaydi. — A. Qodiriy, Mehrobdan chayon

Onaxon Haqnazarova daromad qilib oʻtirmasdan, shartta shu yangi gigant obyektni olishni taklif qildi. — Gazetadan

4. Biror joyga kiriladigan yoʻl, eshik, yoʻlak.

Uylarning daromadi va derazalari koʻchadan koʻrinadi. — A. Qodiriy, Obid ketmon

Agar hujra daromadiga eshik quriladigan boʻlsa, qorongʻi bir qabr, yana ham toʻgʻrisi, daxma holiga kiradi. — A. Qodiriy, Obid ketmon

ot 1. Xudoning, gʻayritabiiy kuchlarning aralashuvi bilan, ular yordamida vujudga keladigan gʻaroyib hodisa(lar), moʻjiza.

2. din. Biror voqea-hodisaning qachon va qanday boʻlishini ilohiy bilim asosida oldindan bilish, oldindan aytib berish; bashorat.

Karomat nogʻorachilarda boʻladi. Qoʻshningning xotini tugʻsa, ertalab nogʻora ovozidan bilan. — T. Obidov, Yusufjon qiziq

3. esk. Oldindan aytilgan xabar, fikr-mulohaza.

Karomatingiz juda toʻgʻri.

Eshon va eshon ayaning har bir gapini karomat bilgan muridlarning tushunchasini oʻzgartmoq, eshondan eʼtiqodini qaytarmoq oson emas. — S. Ahmad, Hukm

4. Karomat (erkaklar va xotin-qizlar ismi).