Qidiruv

sft. 1. sft . Biror gʻoyaviy harakat yoki ishga gʻayrat bilan, astoydil kirishadigan, ishchan.

Normurod faol bir kolxozchi boʻlsa ham, soddagina bir odam, undan har sirni olish mumkin. — S. Ayniy, Qullar

Muhiddin Karimov yerlarni obod qilishda faol qatnashdi. — Oʻzbekiston qoʻriqlari

Buning sababi shuki, faol fikrlash, oʻylash miyaga qon kelishini kuchaytiradi. — Fan va turmush

2. ot Biror jamoaning ijtimoiy hayotida, faoliyatida astoydil, berilib ishlaydigan shaxs, jamoatchi.

Qishloq faollari katta toʻylardagi singari gurs-gurs yer bosib yelib yurishibdi. — I. Shamsharov, Chiroq

Mulla Obid qishloq yigʻinlariga, faollar majlislariga bormaydi emas, boradi. — A. Qodiriy, Obid ketmon

3. Harakatchan, koʻp harakat qiladigan.

Nutqning faol aʼzolari.

ot din. Eng oliy, eng yuqori koʻtarilgan (xudoning sifatlaridan biri).

Xudoyi taolo.

Hasanali sevinchisini topshirgandan soʻng, duoga qoʻl ochdi: — Ollo taolo umri bilan bergan boʻlsin! — A. Qodiriy, Oʻtgan kunlar

— Yoʻq, — dedi eshon, — Yoʻq, bandaning ishi haq taologa imon keltirmoq! — P. Tursun, Oʻqituvchi

ot Chinni, qogʻoz ishlab chiqarish va boshqalar sanoat tarmoqlarida ishlatiladigan, oʻtga chidamli, choʻziluvchan oq loy.

Yil davomida Angren konida koʻmir qazish vaqtida 5 million tonna kaolin ajratib olinadi. Kaolinlar hozir oʻnga yaqin sohada ishlatiladigan muhim xomashyodir. — Gazetadan

sft. Faol boʻlmagan; passiv.

ot Mehnatda yoki biror harakatda, jarayonda jadallik, jonbozlik koʻrsatish, ishchanlik; taʼsirchanlik.

Hisobot kampaniyasi xalqni oyoqqa turgʻizdi, keng ommaning faolligini oshirib yubordi. — H. Nosirova, Men oʻzbek qiziman

ot 1. Biror sohada olib boriladigan ish, mashgʻulot, harakat. Ijodiy faoliyat. Siyosiy faoliyat. Ijtimoiy faoliyat. Nutqiy faoliyat.

Shoir oʻz ijodiy faoliyatida yangi dunyo yaratuvchi kishilar toʻgʻrisida kuylab keldi. — N. Safarov, Ocherklar

Bernora Qoriyeva oʻz faoliyati davomida juda koʻp quvonchli, hayajonli kunlarni boshidan kechirdi. — Saodat

2. Shunday ish, harakat jarayoni. Yurakning faoliyati.

Organizmning normal hayot faoliyati uchun oqsil, yogʻ, uglevodlardan tashqari vitaminlar ham zarur. — Saodat

Koʻk choy kishi ruhini tetik qilib, ish faoliyatini yaxshilaydi. — Fan va turmush