от 1. дин. Ислом динида Қуръондан кейинги муқаддас манба, Муҳаммад пайғамбарнинг фаолияти ва кўрсатмалари ҳақида ривоятлар мажмуи (Расулуллоҳ саллаллоҳу алайҳи вассалламнинг турли шароитларда шариат аҳкомларига оид айтган сўзлари ҳам ҳадисдир).
Бир қанча мўтабар китоб, оят ва ҳадисларни қараб чиқдим. — Ғайратий,Довдираш
У [ Тешабой] ҳам, ўз пайғамбарларининг ҳадисини бузган ёки фирибгарлик, қилвирликлар билан ўз пайғамбарларини алдаган риёкорлар сингари динидан ҳам чиқмас, шариат олдида муртад ҳам бўлмас эди. — М. Исмоилий, Фарғона тонг отгунча
Аҳмадхўжа ўз хатида, Мадрасайи олияда тафсир, ҳадис, илми кимё каби турли илмлар ўқитилишини ёзган эди. — М. Муҳаммаджонов, Турмуш уринишлари
2. эск. кт. Бирор кимсанинг айтган сўзлари ёки гаплари; ривоят, ҳикоя.
Майгун лабинг ҳадиси маст этди ғойибона, Кайфият ўлди зоҳир жоми шароб кўрмай. — Фазлий.
Сенга балки аён, балки ноаён, Бир ҳаёт ҳадисин айлайин баён. — А. Орипов, Йиллар армони
- Ҳадис оши ёки оши ҳадис Муҳаммад пайғамбарнинг айтиб қолдирган сўзлари, у ҳақидаги ривоятларни ўқиш, эшитиш мақсадида ўтказиладиган зиёфат, йиғин. Асти нимасини айтасиз. Оши ҳадисда етмишга кирган ҳазратимниям кўзлари шоҳ-соққадек ўйнаб кетди. — Ҳамза,Паранжи сирлари
- Ҳадиси шариф У [Султонмурод] диний китоблар — ҳадиси шариф, ҳатто қуръон оятларидаги таъбирлар ҳақида савол бериб, устозларнинг ғашига тегарди. — Ш. Тошматов, Эрк қушиҲадиси шарифда буюришича, одам аввало ўзига, кейин аҳли аёлига [оила аъзоларига] ёрдам берса, рисоладагидек бўлади. — Газетадан