Қидирув

сфт. 1. Бировга ёмонлик истовчи, бузуқ ниятли, бадхоҳ.◆

Тушунаман, умр қисқа, Ҳақ дасти ҳам қисқароқ, Аммо нечун шу умрда Бунча бадбин яшамоқ? — А. Орипов, Йиллар армони

2. Жамият ахлоқий нормаларига тўғри келмайдиган; ярамас.◆

[У] Эски Шарқдаги бадбин урф-одатларга қарши, хотин-қизларни ҳуқуқсиз қулга айлантиришларига қарши исён қиларди. — Ҳ. Носирова, Мен ўзбек қизиман

Тақсири олам, бу ғаламис гапларга асло қулоқ сола кўрманг. Булар сизни чалғитиш учун атайин айтилган бадбин гаплардир. — Ж. Шарипов, Хоразм

3. Умидсиз, тушкун ҳолатли; пессимист.

Қайғура бил, лекин бадбин бўлмагил, Қайғу табиий ҳол, бадбинлик ёмон. — Уйғун

Кимсалар, бадбин дея боқманг бу кун Абдуллага, Тингласа гоҳи юриб мозий элидин зорлар. — А. Орипов

сфт. 1. Ёқимсиз ҳид тарқатувчи; ёқимсиз ҳидга эга; қўланса, сассиқ.

Аваз бадбўй ҳиддан бўғилиб уйғонди. — С. Сиёев, Ёруғлик

Ошхонанинг мендан ҳам каттароқ раҳбарлар овқатланадиган хилват бурчагидан одам боласи чидай олмайдиган бадбўй ҳид анқий бошлади. — Х. Тўхтабоев, Ширин қовунлар мамлакати

2. кўчма Ёмон, ярамас; хавфли.

Одобни одобсиздан ўргандим дегандек, балки ота ҳаётининг баъзи бадҳазм, бадбўй томонлари қизни узоқларга назар ташлашга мажбур қилгандир. — Н. Сафаров, Узоқни кўзлаган қиз

Ватанимизнинг зангори осмонини бадбўй булутлар қоплаган оғир синов дақиқаларида ҳам унинг [Ғафур Ғуломнинг] баланд наъраси узоқ-узоқларга эшитилиб турди. — Газетадан

от 1. Амалга ошириш, рўёбга чиқариш учун ёʻл-ёʻриқ ва чора.

Ҳосил-дорликни ошириш тадбирлари.

ҳақиқат олдида у ҳайрон ва бунга қарши тадбир ўйлаш билан гаранг эди. — А. Қодирий, Ўтган кунлар

Бу тадбирнинг келиб-келиб Тўламатдан чиққанини айтмайсизми! — С. Анорбоев, Оқсой

2. Мақсадни амалга ошириш ёʻлидаги иш, хатти-ҳаракатнинг ўзи.

Бу шунчаки оддий тадбир бўлмай, у ер юзида тинчликни мустаҳкамлаш иши билан чамбарчас боғланиб кетади. — Фан ва турмуш

Ҳар бир тадбир талабалар тарбиясини такомиллаштиришга ёʻналтирилган. — Газетадан

Ҳосил тугиш даврида чеканка қилиш муҳим агротехник тадбирлардан бири ҳисобланади. — Газетадан

3. Маълум мақсадда ташкилий равишда амалга ошириладиган (бажариладиган) иш, ишлар.

Тошкент шаҳар кинолаштириш бошқармаси ва кинофилмлар прокати Зулматдан зиёга номи билан катта маданий тадбир ўтказишга ҳозирлик кўрмоқда. — Газетадан

сфт. 1. Бахти кулмаган, турмушдан ёлчимаган; бахциз, бахти қаро, бебахт.

Мени қарғаманг, қарғаманг бадбахт қизингизни, онажон! — Ҳамза, Бой ила хизматчи

Манави гўдак — жигарингиз Низомни ҳам бадбахт қилган одамсиз. — С. Аҳмад, Уфқ

Кўз очиб кўргани алдадими — бас, шўрлик умр бўйи ўзини бадбахт ва айбдор ҳисоблайди. — Ёшлик

2. кўчмас.т. Ярамас, аблаҳ, шафқациз маъносидаги ҳақорат, қарғишни ифодалайди.

Эй, бадбахт, бултур биров пайғамбарлик даъвосини қилиб осилиб ўлган эди, сен шундан ибрат олмадингми, дебди. — Аския

Бадбахт одамдагина раҳм-у шафқат бўлмайди. — Фан ва турмуш

Тортмоққа Ёдгорда дармон қолмади, Ўз ҳолига бадбахт душман қўймади. — Алпомиш

сфт. Тадбир билан, пухта ўйлаб иш қиладиган.

Тадбирли одам,

Норбиби ёш бўлса ҳам, анча тадбирли, довюрак қиз эди. — Ҳ. Шамс, Душман

от 1. Ярамас, ёмон ниятли хатти-ҳаракатларга одатланиш.

2. Умидсизликка берилиш, умидсизлик.

Унинг тақдири ҳақида энг некбин бўлган Ҳайдар ҳожи энди бадбинликка тушиб, хатлар ёзади. — А. Қаҳҳор, Сароб

Зикриё афанди, бадбинлик ҳам жаҳолат каби ёмон иллат. — Т. Малик, Қалдирғоч