Поиск

ot Biror ish, voqea-hodisa yoki holatning yuzaga kelishiga, sodir boʻlishiga sabab boʻlgan kimsa, narsa, omil; sabab-kor.

— Bugungi kechamiz sababchilari boʻlmish kelin va kuyovning har ikkalasi zavodimiz ishchilari boʻladi, — dedi notiq gʻurur bilan. — Yoshlik

— Yanglish soʻzlaysiz, onajon, —dedi Kumush, — siz dunyoda turishga loyiq edingiz, lekin sizning dunyodan toʻyishingizga sababchi men edim. — A. Qodiriy, Oʻtgan kunlar

Qahqahaning sababchisi boʻlgan toʻtiqush goʻyo gʻolibona hammaga qaragandek edi. — Gazetadan

ot din. Biror mazhabga mansub boʻlgan va shu mazhabga amal qiluvchi shaxs.

sft. 1. Bajarish, amalga oshirishni qatʼiy turib talab qiluvchi, bu yoʻl-da ogʻishmaydigan.

U dekanning ish yuzasidan har qanday yaqinlikni yigʻishtirib qoʻyishini, talabchan, qattiqqoʻlligini, hech kimni ayab oʻtirmasligini yaxshi bilardi. Oʻ. — Hoshimov, Qalbingga quloq sol

Oʻrtoq Rahimjonov oʻz kasbiga muhabbat bilan qaraydigan, masʼuliyatni his qiladigan, talabchan agronomdir. — Gazetadan

2. Yuksak talablar qoʻyuvchi, yuqori darajani koʻzlab faoliyat koʻrsatishni talab qiluvchi.

Rasmning tagiga: Oʻjar shogirddan talabchan ustozga deb yozilgan. — Guldasta

Talabchan, mehnatkash shoir Hamid Olimjon qisqa umri ichida juda katta madaniy meros qoldirdi. — N. Safarov, Olovli izlar

3. Talab jihatdan va baholash saviyasi yuqori.

Talabchan kitobxonlar.

Bir yilning toʻqqiz kuni filmi talabchan tomoshabinlarimizning yuksak didiga mosdir. — Gazetadan

Ha, yildan yilga ish salmogʻi ortib boryapti, odamlar esa talabchan boʻlib ketishyapti. — Mushtum

4. koʻchma Koʻp talab qiladigan.

Bodring issiqsevar, yorugʻsevar va namga talabchan oʻsimlik. — Fan va turmush

ot 1. s. t. Ayn. beadablik. Beadabchilik qilmoq.

— Oʻrtoq Safarov, mendan oʻtdi, sizning oldingizda beadabchilik qildim, — dedi [Boʻtaboy]. — A. Qahhor, Qoʻshchinor chiroqlari

2. ayn. Beadab 2.

Ey qarindoshlarim, bunday beadabchilik soʻzni soʻzlamangizlar, podsho haqiqiy xudoning oʻzi. — Yusuf va Ahmad

Yusufbek yigitlarga qarab: — Bunday beadabchilik soʻzni soʻzlamanglar, — dedi. — Yusuf va Ahmad

ot din. Bir mazhab tarafdorlarining ikkinchi mazhab tarafdorlariga qarshi xatti-harakati; mazhab ajratish.

ot Talabchan boʻlish, talabni boʻshashtirmay ish tutish.

Talabchanlik yoʻqligidan bir yil mobaynida atigi uchtagina maktab tekshirilgan edi. — Gazetadan

Oʻz-oʻziga qattiq talabchanlik bilan uygʻunlashib ketgan kamtarlik odamning oliyjanob xarakteridan tugʻiladi. — X. Yodgorov, Hayot toʻlqinlari