Қидирув

сфт. 1. Ҳақиқатан ҳам мавжуд бўлган; ҳақиқий, чин, воқеий.

Реал воқелик.

Кўргиликдан, таваккалдан, тақдирдан воз кечиб, халқ реал нарсаларга аҳамият берадиган бўлди. — Ойбек, Нур қидириб

Биз ҳозир энг чуқур хаёлот билан реал воқелик орасидаги масофа шиддатли тезликда қисқараётган бир даврда яшаяпмиз. — Ёшлик

2. Амалий; амалга ошиши аниқ бўлган, бажарилиши мумкин бўлган.

Реал режа. Реал вазифа.

Ҳар қандай дадил фантазиянинг замирида ҳам ҳаётий тажриба, реал фактлар, манзаралар ётади. — У. Норматов, Талант тарбияси

от 1. Деворзанлик ва шунга алоқадор касбларда: девор ва шу кабиларнинг текис, тўғри чиқиши учун усталар таранг қилиб тортиб қўядиган ип, сим ва шу кабилар

Режа олмоқ. Режа солмоқ.

— Бектурди ака, — дерди у [Қозоқбой] ғишт тераётган устага қараб, — ғиштни яхши тераётган бўлсангиз ҳам, режа ипини тортиб олмаганингиз ёмон. — М. Қўшоқов, Уста йигит

2. Бирор ишни тартиби билан ва ўз вақтида бажариш учун олдиндан белгилаб олинган аниқ ёки тахминий мўлжал.

Эртанги ишга бугун режа туз. — Мақол

Бўрон режаларимизни бузолмайди, тақдиримиз ҳам бўроннинг қўлида эмас. — Ш. Рашидов, Бўрондан кучли

Адолат қизларга ўз режасини тушунтирди. — И. Раҳим, Чин муҳаббат

[Бригада аъзоларининг] Ҳар йили пахта тайёрлаш шартномавий режасини мамлакат бўйича биринчи бўлиб уддалашларига ўрганиб қолдик. — Газетадан

3. Белгили тартиб, қоида, ўлчов.

Иш режага тушди.

Бу оилада ейиш-ичиш белгили тартиб ҳам режага тобе эса-да, ҳар кун ширин-ширин овқатлар тайёрланади. — Ойбек, Танланган асарлар

Албатта, кампир келинларини рўзғордан сиқмасди. Аммо режани бузмай, масаллиқни исроф қилмай иш тутарди. — С. Аҳмад, Сайланма

от тех. Ташқи таъсир натижасида электр занжирида кескин ўзгаришлар рўй берганда, электр токини автоматик тарзда улайдиган ёки узадиган қурилма, асбоб.

от Темир ёʻл транспорти, трамвай, кўтарма кран, вагонетка ғилдираклари юрадиган пўлат из.

Трамвай релслари.

У болалари билан поезд келишини релс устида кутиб ўтирди. — Газетадан

от Пишиқ қалин жун, ип ёки ипак газлама (уст кийим ва поябзал тикиш учун ишлатилади).

от 1. Давлат ёки жамоат ташкилотлари, матбуот органлари топшириғига мувофиқ муайян обектларни, корхона ва шу кабилар фаолиятини тўсатдан текшириш.

Солиқчилар билан солиққа оид жиноятчиларга қарши курашиш департаментининг ходимлари ўртасидаги яқин ҳамкорлик рейд ва текширишлар самарасини таъминламоқда. — Газетадан

Ишонч телефонига тушаётган тезкор маълумотлар асосида ўтказилаётган рейдлар давомида бир қанча қонунбузарлик ҳолатлари барҳам топмоқда. — Газетадан

2. ҳарб. Душманнинг базаларига, штаб ва бошқалар обектларига қарши жанговар иш олиб бориш мақсадида ҳаракатдаги ҳарбий ёки партизан отрядларининг душманнинг орқа томонига ўтиши.