Поиск

ot Bugun tong bilan Jaloliddinni hibsga olibdilar.

[Guli:] Yo rabbiy! Bu yomon fol. Uygʻun va — I. Sulton, Alisher Navoiy

Ayniqsa mulla Abdurahmon hanuz Raʼnoning erga berilmaganligi xabarini eshitgach, bu tasodifni istiqbolning xayrli follari sirasiga kiritdi. — A. Qodiriy, Mehrobdan chayon

ot 1. Surat chiziladigan (solinadigan), biror narsa tasvirlanadigan, surat boʻyoqlaridan ajralib turadigan asosiy rang.

Oq fonga chizilgan qizil gullar. Osmon fonida olingan surat.

2. Koʻzga tashlanib turgan kimsa yoki narsa orqasidagi koʻrinish; asosiy rasm, surat ortidagi manzara.

Bu uy hayvonining rasmi yashil oʻtlar fonida qizil boʻyoq bilan ishlangan. — Gazetadan

Yusuf oʻzining ibratomuz kinolarida kishilarning ideal obrazlarini uydirma boʻlmagan, jonli kishilar fonida tasvirlaydi. — OʻTA

3. koʻchma Umumiy sharoit, vaziyat, muhit.

Hamza Hakimzoda Niyoziy tarixiy shaxs sifatida oʻzbek madaniyatining rivojlanish tarixi fonida koʻrsatiladi. — Gazetadan

milliy ong va milliy tafakkur ona tili boyliklari fonida, bevosita yordamida shakllanadi. — Gazetadan

ot 1. esk. 1 Biror son yoki miqdorning yuzdan bir hissasi, ulushi (% belgisi bilan ifodalanadi).

Korxonamizdagi xizmatchilarning ellik foizi — xotin-qizlar.

Birov birovni yomonlasa, kamida oʻsha zahoti sakson foiz ishonamiz! — Yu. Shomansur, Qora marvarid

2. Qarzga olgan puldan foydalanganlik uchun pul egasiga toʻlab turiladigan haq, foyda.

Yaqinda bir million sakkiz yuz ming soʻm pulini bankka qoʻyibdi. Yana yiliga olti foiz foydasi bilan. — K. Yashin, Hamza

3. Daromadga qarab toʻlanadigan yoki olinadigan hissa.

ot 1. Davlat, muassasa va shu kabilarning muayyan maqsad uchun ajratilgan puli, mablagʻi, moddiy boyliklari majmui; jamgʻarma.

Valyuta fondi. Ish haqi fondi. Boʻlinmas fond,

Fondimizda bir yuz ming soʻm pul bor. — S. Ahmad, Qadrdon dalalar

Boʻlinmas fondimizda naqd bir yarim million soʻm pul bor. — Oʻzbekiston qoʻriqlari

2. Qatʼiy, barqaror daromad keltiruvchi qimmatbaho qogʻozlar.

Fond birjasi. Fond bozori.

3. Jamlab, ehtiyotlab qoʻyilgan zaxira, boylik.

Jamoa xoʻjaligining urugʻlik fondi.

Muzey fondi. Uy-joy fondi. Kitob fondi. Tilning lugʻat fondi.

Muzeyimiz fondi-da Oʻroqovning shaxsiy buyumlari, suratlari saqlanmoqda. — N. Safarov, Olovli izlar

4. Biron-bir ijtimoiy qatlam, aholi guruhiga (bolalar, nogironlar, badiiy-ijodiy uyushmalarning aʼzolariga) moddiy yordam koʻrsatish maqsadida tashkil etilgan muassasa, tashkilot.

Arxitektorlar fondi. Badiiy fond.

ot Fors — eronlik shaxs; Eron janubidagi viloyat nomi.

Fors tili. Fors qizi.

U arab, fors tillarini yaxshi egallagan. — Oybek, Navoiy.

Hamza otasidan taʼlim olib, oʻn besh yoshida fors, arab tillaridagi kitoblarni oʻqiydigan boʻldi. — K. Yashin, Hamza.

Hammaga maʼlum, mashhur; oshkor, oshkora.

Fosh boʻlmoq. Fosh qilmoq (etmoq). Kamchiliklarni fosh qilmoq.

Zebo oʻz muhabbati haqida hech kim bilan maslahatlashishni, birovga fosh qilishni istamasdi. — Shuhrat, Shinelli yillar

Zebixon, yolgʻoni fosh boʻlib qolganidan, gapni hazilga burib yubordi. — S. Ahmad, Ufq