Поиск

yukl. Shart ergash gaplarning boshida kelib, -sa, -sa ham, -ganda va sh. k. shart affikslari yordamida ifodalangan maʼnoni kuchaytiradi, taʼkidlaydi.

Agar u kelgan boʻlsa, oʻzini bildirgan boʻlar edi. — Oybek, Tanlangan asarlar

Agar shu kolxozlar ham bosh qoʻshadigan boʻlsa, damba yigirma-yigirma besh kunlik ish. — A. Qahhor, Qoʻshchinor chiroqlari

Agar uning [qutidorning] yonida usta Olim boʻlmaganda edi, ehtimol, u qay vaqtlargacha serrayib qolar edi. — A. Qodiriy, Oʻtgan kunlar

ot Kaltakesak turi.

ot Birovlar tomonidan qoʻyilgan, birovlarning manfaatlari uchun maxfiy xizmat qiladigan shaxs.

Xalqaro terrorizm agentlari.

Lekin gʻoyat ehtiyotlik bilan ishlar, chunki agentlar va.. soʻz ovlovchilar qishloqlarda oz emas. — Oybek, Nur qidirib

ot Oila boshligʻining erkak qarindoshi.

Avtomobillarga gaz quyish shoxobchasi

sft. 1. Yer-suv, yerga egalik va yer-suvdan foydalanishga oid.

Agrar masala. Agrar islohot.

Shuning uchun ham hozirda qishloq xoʻjaligida band boʻlgan ortiqcha mehnat qiluvchilarni sanoatga, xizmat koʻrsatish sohasiga jalb qilish agrar siyosatimizning gʻoyat muhim yoʻnalishidir. — Gazetadan

2. Sanoatiga nisbatan qishloq xoʻjaligi koʻproq rivojlangan.

Agrar mamlakat.

Viloyatimizning ilgari agrar voha sifatida mashhur boʻlgani sir emas. — Gazetadan