Izohli lugʻat
· yana 3 ta lugʻatda
ot Yer sharining har ikki qutbidan teng masofada joylashgan va Yerning aylanish oʻqiga perpendikulyar boʻlgan hamda Yerni Shimoliy ham Janubiy yarimsharlarga ajratadigan katta aylana, chiziq.
Geografik ekvator. Yer ekvatori.
Kun boʻyi oʻchoqdagi laxcha choʻgʻday lovullab yongan ekvator quyoshining tafti ham endi xiyla bosildi. — S. Abduqahhor, Ochiq deraza tagida
Ekvador nomi bu mamlakatning ekvatordan pastda joylashganligini koʻrsatadi. — Fan va turmush
- Osmon ekvatori Osmon gumbazining olam oʻqiga perpendikulyar boʻlgan hamda osmonni Shimoliy va Janubiy yarimsharlarga ajratadigan katta doira.