Қидирув

от 1. Бўяш учун ишлатиладиган модда; бўёқ.

Қуруқ ранг. Ипак бўяйдиган ранг. Ранг бермоқ.

Стадион ремонт қилина бошлаган, панжаралар қизил, сариқ рангга бўялган. — Ёшлик

2. снт. Рангтасвирнинг асосий ифода ва тасвир воситаси.

3. Нарсаларга суртилган ёки сингдирилган бўёқ, сир.

Шипи шарқча нақшдор уй, нақшлари эскириб, ранги хираланган, лекин ҳали диққатни тортарлик ҳолда. — Ойбек, Танланган асарлар

Бугун у ишдан барвақт қайтди. Оч зангори рангга бўялган дарвозадан ўтиб, ҳовлига кирди. — Ў. Ҳошимов, Қалбингга қулоқ сол

4. Бирор нарсанинг ўзига хос бўёғи; тус.

Ранги сариқ рўмол. Ҳайвонларнинг муҳитга мослашадиган ранги. Олмага ранг кириб қолди.

Ғўзаларнинг рангини кўрган сари, ичгинам туздай ачийди. — Н. Сафаров, Жасоратнинг давоми

Бир туп дарахтда қанча шох-шабба, қанча ранг, қанча гул-мева, қанчалаб сир-синоат бор. — Газетадан

Овқат пишди. Қозоннинг занги чиқиб қорайган гўжага қатиқ ҳам ранг киргизолмади. — А. Қаҳҳор, Анор

5. Кишининг юзидаги қизиллик даражаси.

Унинг рангида қони ёʻқ. Унинг ранги қип-қизил. Ранг кўр, ҳол сўр. — Мақол

Негадир Чароснинг юзи худди шу гул билан бир хил рангда эканини энди сезди. — Ў. Ҳошимов, Қалбингга қулоқ сол

Турсуной билан Шарофатнинг ранги бўздай оқарди. — Ойбек, Танланган асарлар

6. кўчма Гап, нутқ, оҳанг ва шу кабилардаги нозик бўёқ, тус; кўриниш, жилва.

Бир зумдан кейин яна айни товуш парвоз қилди. Аммо ўзга мақомда кўнгилни яна қаттиқроқ сеҳрловчи ранглар билан. — Ойбек, Танланган асарлар

Бир-икки кун миёнасидаги кечинмалар

турли ранг билан унинг уйқули димоғида акслана бошладилар. — А. Қодирий, Ўтган кунлар

Энг яқин кишиларидан ҳам яшириб юрган, аллақачон ўтмиш дафтарларида ранги хиралашиб кетган хотиралар бирдан туғён урди. — Ў. Ҳошимов, Қалбингга қулоқ сол

Ранги ҳам, туси ҳам намоён дунё, Қирқми эллик бу, умр ўртаси. — А. Орипов, Йиллар армони

7. кўчма Жонлилик, файз.

Тошкентлик машҳур бир бойнинг хасислиги ҳақида энг кейинги, ҳали ҳеч кимнинг қулоғига чатилмаган латифалар суҳбатга ранг бериб турар эди. — Ойбек, Танланган асарлар

сфт. айн. Ранг-баранг, рангдор 1.

Рангин плакатлар.

Косалар, пиёлалар, қадаҳларнинг гуллари баҳор чаманларидай бой, нафис, рангин эди. — Ойбек, Навоий

сфт.

Рангли телевидение. Рангли чит. Рангли қалам.

Сариқ рангли бино олдида, умрида овқат емагандек қотма, новча, ранглари тоза, ҳаракатлари енгил одамлар қаршисида тўхтадик. — Х. Тўхтабоев, Ширин қовунлар мамлакати

Тўрт марта пул мукофоти берди, икки йилдан бери рангли суратим Ҳурмат тахтасида. С. — Аҳмад, Юлдуз

кўчма айн. Рангдор 2.

Ким билади Машҳадийнинг силлиқ назми, рангли услуби валинеъматнинг кўнглини шундай қиларди, у бир неча қўй инъом қилиб юборар! — Ойбек, Навоий

сфт. 1. Бирор рангга эга бўлган ёки бўялган; рангли; ранг-баранг.

Рангдор қаламлар. Рангдор қоғоз.

Паркнинг рангдор маржон чироқлари ҳам сўнди ҳамма ёқ жимжит бўлиб қолди. — А. Мухтор, Чинор

Чамаси, касалхона яқинидаги бу бозорча ўзидан-ўзи пайдо бўлган, кейинчалик бир қатор раста қурилиб, устига рангдор пластмасса шифер ёпиб қўйилган эди. Ў. — Ҳошимов, Нур борки, соя бор

2. кўчма Бежамали, жилвали, тамтароқли, баландпарвоз (гап, сўз, услуб ва шу кабилар ҳақида).

Сайрамов болаликда, узун қиш кечалари чолнинг ўзига хос рангдор сўзи ва услубини диққат билан тингларди. — Ойбек, Олтин водийдан шабадалар

умрдош танлашда янглишма, қизларнинг ташқи қиёфасига, рангдор сўзларига уча кўрма, — деди меҳмон Мансурга. — Ё. Шукуров, Уч савол

сфт. Ранги заҳил, синиққан, рангсиз.

Ҳовузнинг у томонида ярим гумбаз шаклида тош терилган, унинг остида мўйлови эндигина сабза урган рангпар йигит кабоб пиширяпти. — Э. Усмонов, Ёлқин

Ибн Сино тўрдаги ипак тўшак устида ёстиққа суяниб ўтирган рангпар кишига таъзим қилди. — М. Осим, Карвон ёʻлларида

Уларнинг ғўзалари рангпар, нимжон; ўсимлик чанқоқ: Сув бер! деб фарёд чекаётибди. — Газетадан

от Бўёқлар тайёрловчи уста.