Қидирув

от 1. Бир учи ёритқич асбоб ичидаги керосинни ёки мойни шимиб, иккинчи — ёнувчи учига ўтказиб берадиган лентасимон мато ёки эшилган пахта.

Қорачироқ пилиги. Шамнинг пилиги. Лампа пилиги.

Мойи тугаб, пилиги сўхта бўлган чироқ бир лип этиб сўнди. — С. Аҳмад, Ҳукм

Ёшига нисбатан анча тетик, барваста чол остона ҳатлади. Гулрўйнинг юраги безовта тепганча, яна бир бор эшитилар-эшитилмас, ўтиринг, деб қўйди-да, чироқ пилигини бир оз кўтариб, кўрпача ташлади. — Ёшлик

2. тўқм. Пахта, жун, ипак ва зиғир толаларини бўшгина ҳимариб, чўзиб, тўғрилаб ҳосил қилинадиган маҳсулот.

Пилик ип йигириш учун асосий хомашё ҳисобланади. — Ўзме

3. Соч ўрими ечилиб кетмаслиги учун унинг учига қўшиб ўрилган пахта.

Сочини майда ўриб, учига пилик таққан, оёғига кавуш, эгнига чит кўйлак кийган ўн олти ёшлардаги бир қиз анор узиб, саватга терарди. — С. Аҳмад, Сайланма

4. Арвоҳларга, инс-у жинсларга атаб ёқиш учун бир учига пахта ўраб, ёққа ботирилган чўп.

Камзулининг чўнтагидан қамишга ўралган бир неча пиликни олиб, учтасини Сурмахон қабрининг бош томонига тиқиб, ёндириб қўйди. — И. Раҳим, Ихлос

5. Қош, киприкни бўяш учун ишлатиладиган, учига пахта ўралган чўп.

Сатимхоннинг қўшнилар билан тотувлашиб олганини айтмайсизми — бир пиёла кетидан ўсма қўйиб, бир пиликдан сурма тортгандай! Шуҳрат, — Умр поғоналари

от 1. Ипак қурти ғумбакка айланишдан олдин ўз устига ўраб ҳосил қилган қобиқ, ипак қуртининг маҳсули; табиий ипак олинадиган хомашё.

Пахтанинг ҳар шонаси — Мўл ҳосил нишонаси. Пилланинг ҳар толаси — Шойи-атлас онаси. — Қўшиқлар

Пилла қуртлар сўрида, Уйимизнинг тўрида, Тут барг ейди вишиллаб. — Қ. Ҳикмат

2. Кўпгина ҳашаротлар ғумбагининг ҳимоя қобиғи.

3. тиб. Тиш милкининг шишиб, йиринг бойлаши.

от Самолёт, дирижабл ва шу кабилар учиш аппаратларини бошқарувчи мутахассис, учувчи.

Ўлчови бор ҳар маҳсулотнинг, Хирмонда доимо тайёр тарози; Тонналаб ўлчайди ишчи пўлатни, Километрлар билан — пилот парвози. — А. Мухтор, Асарлар

от 1. Пилтакачга ўраб, дўппи тепчигига, баъзан тўн ёқасининг қавиғига тиқиладиган қоғоз.

Ёқага урилган пилта. Дўппи пилтаси.

— Дўппи ёмон эмас, — дейди Мусавой. — Пилталарини қара, шалдироқ қоғоздан шекилли. — Ойбек, Болалик.

Аксар дўппилар тепчигидан қирқилиб, пилтаси кўриниб туради. — А. Қодирий, Обид кетмон

2. Пахта, жун, ипак ва зиғир толаларини бўшгина ҳимариб, чўзиб, текислаб ва тўғрилаб ҳосил қилинадиган тўқимачилик маҳсулоти (лента); пилик олишдаги хомашё.

3. Бирор нарсани маълум масофадан туриб ёндириш ёки портлатиш учун ишлатиладиган ёнувчи чизимча, шнур.

Милтиқнинг пилтасига ўт тегизмоқ.

Тумшуқларнинг ҳар бирида бир пилта ёниб туриб, ҳар икки томонни — ҳам ғўза чувувчилар олдини, ҳам чиғириқлар олдини баравар ёритарди. — С. Айний, Эсдаликлар

5. эск. Чархда ип йигириш учун пилтакачда юмалоқланган бир бўлак пахта, паға.

Онам шу қадар тез, шу қадар ингичка йигирар эдики, пилтадан чиқаётган ипни кўзим илғамасди. — Ё. Шукуров, Қасос

Элмуродунга [отинойига] савалган пахтадан пилта ўраб бериб ўтирди. — П. Турсун, Ўқитувчи

6. с.т. қ. Пилик 3.

Дўппи кийиб, сичқон думидек сочларига пилта ўраган жамалак қизалоқ унинг диққатини тортди. — Мирмуҳсин, Қаҳрамоннома

7. Дўппидўзлик, мискарлик ва бошқалар амалий санъат турларида безак тури: чивиқ каби ингичка бўртма безак ёʻл.

Тез ва енгил такрорланадиган оний ҳаракат.

Ўртадаги катта текис тош устида фонар пил-пил ёнмоқда. — С. Анорбоев, Оқсой

Пилатес ҳаммага мос келадиган, озиш учун энг хавфсиз машқлар мажмуаси. Машқлар аста-секин, чўзилувчан ҳаракатлардан иборат. Машғулотлар қорин, кичик тос ва ва бел мушакларига ёʻналтирилади, ҳомиладор аёллар ва оналар учун ушбу машқ комплекси жуда яхши мос келади.

Зарина пилатес ёрдамида 12 кг вазндан қутилди.