Qidiruv

ot 1. Xat, xabar, joʻnatma, gazeta-jurnal, hujjat, pul va shu kabilarni qabul qilib, tayinlangan kishiga yoki joyga yetkazib beradigan davlat aloqa muassasasi va shu muassasa joylashgan bino.

Shahar pochtasi. Dala pochtasi.

Pochtaga borsam, pul bilan shu qogʻozni qoʻshib berdi. — S. Zunnunova, Koʻk chiroqlar

Uni shahar odamlari, ayniqsa, yerli xalq kam taniydi. Nihoyati pochtada ishlovchi [oʻzi yerli xalqdan yetishib qolgan!] pastroq bir maʼmur. — Choʻlpon, Kecha va kunduz

2. Shunday muassasa tomonidan yetkazib berilgan yoki olingan narsalar (xat, joʻnatma va shu kabilar).

Menga pochta keltirgan xatlarning soni 200 dan oshib ketdi. — N. Safarov, Olovli izlar

Agarki qoʻshningiz pochta qutisidan siz obuna boʻlgan adabiyot gazetasini olib, sizdan oldin oʻqishga tushsa, xafa boʻlmang. — Gazetadan

ot Shaharning markaziy pochtasi, markaziy pochta idorasi.

n postman, letter (mail) carrier

ot Xat, gazeta, jurnal kabilarni egalariga yetkazib beruvchi pochta xodimi.

Hovlidan pochtalon cholning chaqirgani eshitildi. — Sharq yulduzi

Pochtalon indamay, koʻk qogʻozning bir chekkasini koʻrsatdi. — L. Tojiyeva, Mehrim sizga, odamlar

ot ayn. Pochtalon.

ot Pochta oʻrnashgan bino.

Rayon aloqa boʻlimi bu ishni juda qulay va maʼqul koʻrib, keyinchalik bir muncha kolxozlarda shunday pochtaxonalar tashkil qildi. — A. Qahhor, Qoʻshchinor chiroqlari

Kuzda pochtaxona yonida allaqanday eski binoga joylashgan maktabga qatnay boshladim. — Oʻ. Hoshimov, Ikki eshik orasi

Tolibiy shoʻrva stipendiya ololmay va kuniga uch marta pochtaxonaga zir yugurib, uyidan pul kutib yurgan studentlarga moʻljallanadi. — Gazetadan