(фр. portrait — тасвир сўзидан)
1.
Adabiy asarda kishining tashqi qiyofasi, siymosi, kiyim-kechagi, oʻzini tutishi va h. k tasviri. Badiiy asardagi portretning xarakteri va funksiyalari rang-barang boʻladi. Biroq portretning eng muhim xarakteri uning koʻproq psixologik portret boʻlishidadir. Psixologik portret yozuvchiga personajning tashqi qiyofasi orqali uning ruhiy dunyosini ochishga yordam beradi. Shuning uchun aytish mumkinki, portret yozuvchining shaxsiy uslubi, mahorati va maqsadiga bogʻliq holda turlicha darajada berilishi mumkin. Masalan, baʼzan shaxsning tashqi qiyofasi va xatti-harakati juda batafsil tasvirlansa, baʼzan obrazning yo tashqi qiyofasiga yoki uning xatti-harakatiga oid muhim bir detalni tasvirlash orqali ham berilishi mumkin. Portret obraz yaratishning muhim shartlaridan biridir., portret
2.
Ayrim yozuvchi, shoir, atoqli jamoat arbobi, sanʼatkor yoki olimning hayoti va faoliyati haqidagi asar. Oʻzbek sovet adabiyotida Hamza, Oybek, A. Qahhor, A. Qodiriy, H. Olimjon, M. Shayxzoda, Gʻ. Gʻulom, U. Nosir, Gʻayratiy, S. Zunnunova, V. Zohidov, I. Sulton, Sh. Alyadin, Mirtemir kabi shoir va olim, sanʼatkor va yozuvchilar haqida M. Qoʻshjonov, L. Qayumov, S. Mamajonov, A. Aliyev, Oʻ. Shokirov va boshqalar yaratgan portretlar mavjud.
