от 1. тар. Россия империяси ғарбида ва Полшада катта ер эгаси, помешчик.
2. Шарқий Европанинг бир қатор мамлакатларида эркакларга ҳурмат юзасидан мурожаат қилганда, жаноб, тақсир маъноларида ишлатиладиган сўз.
Қидирув
«пан» бўйича 53 та натижа: Изоҳли
Филтр
Луғат тури
Луғат мақолалари
53 тасфт. 1. Бошқаларнинг назаридан яширадиган ёки бирор нарса таъсиридан сақлайдиган, ҳимоя қиладиган жой, нарса, тўсиқ.
Ёмғирдан пана изламоқ. Панада турмоқ. Томнинг панасига яширинмоқ.
Лали шу зулмат қучоғига кирган-да, ўзини бир дарахт панасига олиб, орқасига қаради. — Ҳ. Ғулом, Машъал
Ширин, симчироқ ёритиб турган остонадан ичкарига қадам қўйиши билан, мушукдай келадиган сариқ ит акиллаб, оёғига ёпишди. У қўрқиб, жирканиб, кампирнинг панасига ўтди. — Ёшлик
2. сфт. Бировнинг назари тушмайдиган ёки бирор нарса таъсиридан паналанган, ҳимоя қилинган, тўсилган.
Чироқ шишасини рўмолим билан пана қилиб, ҳовлига тушдим. Ёмғир ҳамон эзмаланиб ёғарди. — Ў. Ҳошимов, Икки эшик ораси
Куёвликдан ёдгор бўлган беқасам чопони билан юзини қор
дан пана қилиб, ёʻлакка борди. Пастак эшикнинг ҳалқасидан ушлаб тортди. — Ў. Ҳошимов, Қалбингга қулоқ сол
- Фақир (ёки ғариб) киши панада Ҳар нарсага аралашавермай, камтарлик билан ўзини четга олиб юрадиган киши. Ақли бор одам фақир киши панада қабилида ўзини четга олиб, ишини ўхшатиб юраверади. — В. Ғофуров, ВафодорҒариб киши панада, Пўстини сомонхонада. — Халқ дурдоналари
от Ўгитли гап, сўз, ўгит, насиҳат.
Панд бермоқ (айламоқ).
Қол, деганда қонлар ютиб қолмадим, Отам пандин қулоғимга олмадим Беш юз йиллик ёʻлдир сенинг маконинг. — Фолклор
Мана бугун яна бир панд бериб, насиҳат қилмоқчи бўлиб келган эдим, тузук, иш ўнгланиб кетганга ўхшайди. — А. Мухтор, Опа-сингиллар
Миянгни ишлат, ҳийла билан душманга панд бер. — Уйғун, Ҳаёт қўшиғи
- Панд емоқ Алданмоқ; алданиб, зарар-зиён кўрмоқ, фириб емоқ. Яхшидан қанд ейсан, ёмондан — панд (ейсан). — МақолҚариганингда панд емаслик учун болангни талтайтирма. — Ёшлик
1. Ўзаги қуриб, бўш бўлиб қолган.
Панг сабзи. Панг шолғом.
2. кўчма Ноаниқ, ёқимсиз, пўнғиллаган.
[Амин] Негадир устунни қимирлатиб ҳам кўрди, сўнгра Қобил бобони чақирди ва панг товуш билан деди. — А. Қаҳҳор, Ўғри
Эҳсоннинг кўзлари ночор жавдиради, сўнг панг овозда бидиллаб кетди. — Ш. Холмирзаев, Бодом қишда гуллади
от Халқаро Қизил китобга киритилган бамбук билан озиқланадиган айиқ тури.
от 1. бнк. Бино, хона ичидаги деворнинг тахта-ёғоч, пластмасса ёки мой бўёқни безак қопламаси.
Кўк бўёқли панел. Ёнғоқ дарахтидан ишланган панел.
2. бнк. Заводда тайёрланиб, қурилишда ишлатиладиган йирик ўлчамли ясси темир-бетон ёки ёғоч плита.
Йирик панеллардан қурилган уй.
3. махс. Электр тармоқлари, бошқариш пулти, радиотехник асбоб ва бошқаларнинг сигнал берувчи, назорат қилувчи, ўлчовчи ускуналар ўрнатиладиган олд девори.