Қидирув

от 1. Жамоат тартибини, фуқаролар ва жамоат хавфсизлигини таъминлаш, ижтимоий мулкни қўриқлаш каби вазифаларни бажарувчи маъмурий орган; шу органнинг маҳаллий бўлими, бошқармаси.

Милиция органларининг ходимлари меҳнаткашларнинг осойишталигини сақлашга ҳаракат қиладилар. — Х. Ёдгоров, Ҳаёт тўлқинлари

2. с. т. Милиционер.

[Фотима:[ Бориб, милиция олиб келинг. Мен ҳар иккала туҳматчини бу ерга қамаб қўйдим. — Ҳамза, Туҳматчилар жазоси

от Милитаризм тарафдори, милитаризм сиёсатини юритувчи.

Бизни милитаристлар чўчита олмайди. — Газетадан

от Муайян мамлакатнинг ҳукмрон доиралари томонидан давлат ҳарбий қудратини янада кучайтириш мақсадида фойдаланиладиган сиёсий, иқтисодий ва ғоявий воситалар тизими (қуролланиш пойгаси, мамлакат ички ва ташқи сиёсатида ҳарбий-саноат мажмуаси таъсирининг кучайиши ҳозирги милитаризмнинг асосий белгиларидир).

Милитаризм фонусига мой қуйиб, пилигини ўт олдиришга интилиш авжига чиқмоқда. — Газетадан

от Милиция ходими.

Аҳмад Маҳмудовнинг уйига иккита қуролли милиционер билан жиноят қидирув маҳкамасининг ходими кириб келди. — Ж. Шарипов, Хоразм

сфт. Милитаризмга оид.

Милитаристик сиёсат. Милитаристик ҳаракат.

от с. т. Милиция бўлими, бошқармаси жойлашган бино.

Милиционер милтиғини олиб милицияхона дарвозасининг бериги бурчагида қоровул бўлиб турди. — С. Айний, Қуллар