Qidiruv

sft. Oyoq panjasi notoʻgʻri, qiyshiq.

Maymoq odam,

Yerni shu maymoq oyogʻim gullatib turibdi, xoʻjayin. — Oybek, Tanlangan asarlar

ot 1. Kishining narsa yoki ishga, biror ehtiyojini qondirishga boʻlgan ishtiyoqi, qiziqishi, intilishi, havasi; moyillik.

Uning musiqaga mayli zoʻr.

Mahfuzada chevarlikka boʻlgan mayl ustun chiqdi — T. Avvalov, Shogird mehri

2. Istak, xohish, ragʻbat.

Yetim bolalarni oʻqitishga uning mayli boʻlmasa ham, bormay iloji yoʻq ekan. — P. Tursun, Oʻqituvchi

3. Erk, ixtiyor.

Oʻz mayliga qoʻymoq.

— Har kimning mayli oʻzida, — dedi Sharofat va labini burib, chetga qaradi. — A. Qahhor, Qoʻshchinor chiroqlari

4. tlsh. Harakatning voqelikka boʻlgan munosabatini soʻzlovchi nuqtai nazaridan belgilaydigan grammatik kategoriya.

Shart mayli. Buyruq mayli. Feʼl mayllari.

ot ayn. Mayoq.

sft. 1. Bir turdagi kichik boʻlaklardan iborat boʻlgan, yirik emas.

Mayda tosh. Mayda qor. Mayda qum.

Tashlandik tegirmonning chirik novidan suv mayda kumush tomchilarni sachratib, guvullab otiladi. — Oybek, Tanlangan asarlar

Qora qoshlari chimirildi, sadafday mayda tishlari bilan ustki labini chaynadi. — S. Anorboyev, Oqsoy

2. Unchalik katta boʻlmagan; kichik mayda jonivorlar. Mayda bolalar.

Traktorlar gurullab-varillab mayda daraxtlarni tag-tomiri bilan qoʻporib tashlar edi. — A. Qahhor, Qoʻshchinor chiroqlari

3. Mavqeyi, ijtimoiy, iqtisodiy ahamiyati jihatdan katta oʻrin tutmaydigan.

Mayda burjuaziya. Mayda savdogar.

Bunaqangi mayda, xashaki boylarning puli ham mayda boʻladi. — K. Yashin, Hamza

4. Miqdor, son jihatdan kam boʻlgan; bir necha narsa yoki kishidan iborat boʻlgan; kichik.

Mayda otryadlar. Mayda millatlar.

5. koʻchma Ahamiyatsiz, qiymat jihatidan arzimas.

Mayda gaplar. Mayda ishlar.

Orada birmuncha mayda soʻzlar soʻzlangach, kimningdir uf deb yuborgani eshitildi. — A. Qodiriy, Oʻtgan kunlar

6. Tanga-chaqa va umuman yirik boʻlmagan; kichik pul.

Mayda pul. Besh soʻmga maydangiz yoʻqmi?

ot 1. Jismoniy shikoyat natijasida nogiron boʻlib qolgan; majruh.

Yerlarda yumalab yotgan bolalarning chinqirigʻi yaradorlar va mayiblarning ingrashi tinmaydi. — Oybek, Quyosh qoraymas

2. koʻchma Maʼnaviy, ruhiy shikast natijasida ezilgan, asablari buzilgan.

[Akbarxoʻja boyvachcha:] Yetim boʻlsayam, qattiq dakki yeb, ruhiy mayib qilinmagan ekan-da. — P. Tursun, Oʻqituvchi

sft. 1. Ipakdek yumshoq va nozik, qoʻlga muloyim urinadigan.

Mayin jun. Mayin soch. Mayin gazmol.

Shayboniyxon boʻtaloq junidan toʻqilgan mayin malla joynamoz chetiga qaytib oʻtirdi. — P. Qodirov, Yulduzli tunlar

2. koʻchma Yoqimli, muloyim.

Mayin shabada. Mayin kuy.

[Doʻndiqning] Xayolchan yuzlarida mayin tabassum paydo boʻldi. Oydin, — Doʻndiqdan ham yosh ekan

Chirildoqlarning mayin musiqasi hamma yoqni toʻldirgan. — Oybek, Tanlangan asarlar