Qidiruv

-ая, -ое qisqa, muxtasar

Metrik sheʼr tuzilishidagi birliklar boʻlib, uzun va qisqa hijolar sheʼrshunoslikda oʻziga xos belgilar bilan ifodalanadi. Masalan, uzun hijo —, qisqa hijo ◡ belgilari bilan ifodalangan. Qisqa hijo nisbiy olinganda, uzun hijoning teng yarmiga, boshqacha aytganda, ikki qisqa hijo bir uzun hijoga teng deb tushuniladi. Koʻp hollarda sheʼriy misralardagi hijolarning uzun-qisqaligi sheʼrdagi vazn talabi bilan oʻzgarib ketishi, yaʼni vazniy shartlilik yuz berishi mumkin. Rus sillabo-tonik sheʼriyatida urgʻuli hijolar uzun, urgʻusiz hijolar esa qisqa sanaladi. Aruz sheʼriy sistemasi ham hijolarning uzun-qisqaligiga asoslanadi. Masalan, unda odatdan yopiq kelgan har qanday hijo, alohida kelgan choʻziq tovushlar choʻziq hijo, ochiq hijolar qisqa hijo sifatida, qisqa tovushlardan soʻng ikki undosh takrorlanib kelganda esa oʻta choʻziq hijo sifatida qabul qilinadi. Oʻta choʻziq hijo bir choʻziq va bir qisqa hijoga teng boʻlib, ∽ belgisi bilan ifodalanadi. Ammo bu qoidadan farqlanuvchi mustasno holatlar ham bor. Sillabik sistemada esa uzun va qisqa hijo nazarda tutilmaydi., uzun (yoki choʻziq) va qisqa hijo