Qidiruv

ot 1. Ehtiyoj his-sezgisi; xohish, mayl.

Bunga istagi yoʻq. Istagi bor. Istak bildirmoq. Oʻz istagi bilan ish qilmoq. Istagiga qarshi chiqmoq.

Insonning erkiga toʻsqinlik qilish ham, uning istak va intilishini poymol qilish ham vahshiylik. — P. Tursun, Oʻqituvchi

Lekin koʻnglida esa, koshki shunday boʻla qolsa, degan istak hukmronlik qilar edi. — S. Zunnunova, Gulxan

2. Oʻzgaga qaratilgan, kimsaga nisbatan boʻlgan yaxshi niyat; tilak.

Istak shuki, yosh avlod boʻlsin Kelgusining husni va naqshi. — E. Rahim

choʻponni tabriklashdi, yaxshi istaklar bildirishdi. — Gazetadan

ot 1. Harbiy xizmatchilarni yoshi oʻtganligi, kasalligi va boshqalar sabablar tufayli harbiy xizmatdan boʻshatish.

2. huq. Hukumatning, uning boshligʻi yoki alohida vazirlarning hukumatga ishonchsizlik bildirilishi, hukumatdagi ichki ixtiloflar tufayli oʻz mansabi yoki xizmatidan ketishi, voz kechishi; oʻz vakolatlarini zimmasidan soqit qilishi.

Suxartoning eng yaqin safdoshlaridan biri Xarmoko ham prezident isteʼfosini talab qila boshladi. — Gazetadan

— Isteʼfolarini qabul etmayman, borib vazifangizni bajaravering, — dedi [amir]. — M. Osim, Ibn Sino qissasi

ot Qurol kuchi bilan oʻzga mamlakatni bosib olish, zabt etish.

Arablar istilosi. Ajnabiylar istilosi.

Buxoro shahrining har yerida turli qurilishlar boshlanib ketdi. Ularning eng yirigi va hatto moʻgʻullar istilosidan keyingi eng ulkani Ulugʻbek madrasasi edi. — Mirmuhsin, Meʼmor

fl. 1. Ixtiyor etmoq; xohlamoq.

Koʻnglingiz nima istaydi? Istagan narsangiz topiladi. Men sizni ranjitishni istamayman.

Xayribibi, Komiljonning onasi — Mehrixonni qoʻmsab, hasratlashib oʻtirishni istab qoldi. — D. Nuriy, Osmon ustuni

Lekin Gulchehra Sulton bilan Dilbar oʻrtasida gʻov boʻlishni sira-sira istamasdi. — M. Xayrullayev, Tilla marjon

2. shv. Axtarmoq, izlamoq, qidirmoq.

Siz kimni istab edingiz?

Zar qadrini biladi zargar, Koshki zargar boʻlsa jononim; Zoʻr mashaqqat boʻlsa ham agar, Istab kelsa meni mehmonim. — Yo. Mirzo

yonidan papiros chiqardi-yu, choʻntagini kovlab, gugurt istab qoldi. — S. Ahmad, Saylanma

ot 1. Nihoyatda zoʻr ijodiy qobiliyat; layoqat.

Shoirlik isteʼdodi. Isteʼdod egalari.

Bilasiz, butun isteʼdodini xalq uchun sarflagan ulugʻ odamlar oʻzlarini grajdanin deb ataganlar. — P. Qodirov, Uch ildiz

Har kimsa oʻz isteʼdodiga qarab oʻzidan keyin biror iz qoldirib ketishi kerak. — J. Sharipov, Xorazm

Isteʼdodli bola har qanday oilada dunyoga kelishi mumkin, lekin undagi isteʼdodning namoyon boʻlishi — Tafakkur

2. Isteʼdod egasi.

Isteʼdod — jamiyatning intellektual mulki. — Tafakkur

Asr boshida adabiyot sahnasiga chiqqan adiblarimiz katta isteʼdodlar edilar. — Gazetadan

Isteʼdodlarni ham xalq oʻzi yetkazib beradi, talantlar xalq ichidan yetishib chiqadi. — Gazetadan