Поиск

sft. 1. Nihoyatda yaxshi, xoʻb; ajoyib, zoʻr.

Bu yer zab joy ekan-da.

[Dadavoy Qalandarovga:] Zab miltiq ekanmi? Osh pishguncha lip etib soyga tushib, jindak ov qilib kelmaylikmi? Uygʻun, — Navbahor

Sartaroshlik zab hunar, xizmating tez koʻri-nar. P. Moʻmin.

2. rvsh. Nihoyatda, juda ham.

Qizlar kulishdi: Salimaxon, oʻzingizga ham kelinlik zab yarashar ekan-da. — N. Fozilov, Oqim

3. yukl. Naq, ayni, xuddi.

— Hoshimjon, zab vaqtida keldingiz-da, — dedi bir kun Farmonqul aka Qobilovga. — S. Mahkamov, Shogird

ot 1. Idora, korxona va muassasalarda turli marosimlar (anjuman, yigʻilish, mashgʻulot va shu kabilar) oʻtkaziladigan katta va keng xona.

Qoʻngʻiroq chalinganidan bir minut oʻtar-oʻtmas maktab zali boʻshab qoldi. — S. Zunnunova, Yangi direktor

H. Olimjon hatto tomosha zallarida ham gazeta, jurnallar olib yurardi. — N. Safarov, Olovli izlar

Boʻlajak sportchilar ixtiyoriga yaxshi jihozlangan sport zali, qulay garderob va dush berib qoʻyilgan. — Gazetadan

2. Xususiy va koʻp qavatli xonadonlardagi eng katta uy, xona; mehmonxona.

Mehmonlar uchun zalda dasturxon tayyorlandi.

s. t. Zab.

ot 1. Oltin, tilla.

Zar qadrini zargar biladi. — Maqol

[Husayn:] Xazinamda har qancha zar, har qancha aqcha boʻlsa, yurtning obodonligi uchun sarf etishga vaʼda beraman. Uygʻun va — I. Sulton, Alisher Navoiy

Norga ortinglar zaringni, Xotin, bola-chaqalaringni. — Yusuf va Ahmad

2. koʻchma Oltin bilan teng, oltinga oʻxshash narsa haqida.

Toshlar ustiga doʻlanaday-doʻlanaday yirik tomchilar tushib, atrofga zar kukunlari sochildi. — H. Nazir, Soʻnmas chaqmoqlar

3. Tilla, pul, umuman boylik.

Ter toʻkib mehnat qilsang, yerdan hatto zar unar. — Maqol

Mehrni oʻlchab boʻlurmi zar bilan, inju bilan? — E. Vohidov, Muhabbat

Saroyga bordim-u, pul olganim yoʻq, Shahanshohning, dedi, oltin, zari yoʻq. Uygʻun va — I. Sulton, Alisher Navoiy

4. Zardoʻzlikda zarbof toʻn, zar doʻppi va boshqalar tayyorlashda ishlatiladigan, oltin yoki kumush suvi yuritilgan, zarlangan ipak yoki sim; shunday ipak yoki simdan tikilgan kiyim.

Zar bilan tikilgan doʻppi. Zar roʻmol.

U zar yoki kimxob toʻn ichida odamlar oʻrtasida savlat toʻkib turibdi. — M. Ismoiliy, Fargʻona tong otguncha

5. Bezak yoki oʻrov uchun ishlatiladigan yupqa yaltiroq metall varagʻi yoki zarhallangan qogʻoz.

Zar qogʻoz. Zarga oʻralgan popuk (konfetlar).

Archa har xil shakldagi zar qogʻozlar va boshqa oʻyinchoqlar bilan beza-tilgan. — K. Yashin, Hamza

ot 1. Suvi koʻp, sernam, zaxkash (yer).

Zax uy.

Yertoʻla atrofidan zax tuproq shuvullab toʻkildi. Shuhrat, — Shinelli yillar

Uni [Tojini] navkarlar olib chiqib, zax bir yertoʻlaga qamashadi. — Mirmuhsin, Meʼmor

2. ot Sernam, zaxkash joy; namlik.

Kecha zaxda yotaverib, belim ogʻrib qopti. — Gʻ. Gʻulom, Shum bola

Shoʻrxok yerlarda achchiq zax gʻoʻzaning tomirini chirita boshladi. — Gazetadan