Поиск

sezgi organlarimizga bevosita taʼsir etib turgan narsa va hodisalarni ongimizda butun, yaxlit holda aks ettirishdan iborat psixik protsess. I. protsessida barcha ruhiy hayotimiz, ongimizning butun mazmuni, bilimlarimiz va tajribalarimiz ishtirok etadi. Shuning uchun ham I. sezgilarga nisbatan murakkab va mazmundor psixik protsess boʻlib hisoblanadi. I. ning fiziologik asoslari qoʻzgʻovchilar yigʻindisi taʼsirida bosh miya yarim sharlari qobigʻida hosil boʻlgan shartli reflektor (muvaqqat) nerv bogʻlanishlaridir., idrok

materiyaning yashash formasi — muayyan obyektiv vaqt birligini ongimizda bevosita aks ettirish. Vaqtni idrok qilish asosan ruhiy hodisalarimizning almashinuvi tufayli roʻy beradi. V. i. q. idrok qilinayotgan vaqt birligining obyektiv mazmuniga hamda bizning unga boʻlgan munosabatimizga bogʻliq. Mas., bizning ehtiyoj va qiziqishlarimizga mos boʻlgan vaqt birligini idrok qilganimizda, vaqt subyektiv jihatdan tez idrok qilinadi va aksincha..., vaqt (zamon)ni idrok qilish

jismlarning fazo (makon) dagi oʻrin almashtirishini bevosita aks ettirish. Harakat nisbatan va nisbatsiz idrok qilinadi: agar harakatdagi jism atrofdagi boshqa harakatsiz jismlarga taqqoslab idrok qilinsa, bu harakatni nisbatan idrok qilish deyiladi; aksincha, harakatdagi jism hech narsaga taqqoslanmay idrok qilinsa, bu harakatni nisbatsiz idrok qilish deyiladi., harakatni idrok qilish

voqelikdagi narsa va hodisalarning fazoda tutgan oʻrnini, shaklini, miqdorini hamda bir-birlariga nisbatan munosabatlarini uch oʻlchovda — balandlik, kenglik, uzoqlikda bevosita aks ettirish., fazo (makon)ni idrok qilish

eshituv analizatoriga bevosita taʼsir etayotgan tovush toʻlqinlarining kompleksini yaxlit aks ettirishdan iborat idrok turi., eshituv idroki

koʻruv analizatori (koʻz) orqali amalga oshiriladigan idrok turi., koʻruv idroki