Hayot Foundation лойиҳаси
Лойиҳа ҳақида
Ўз
Ўз

Қидирув

«бес» бўйича 51 та натижа: Изоҳли

Филтр
Луғат тури
Изоҳли Таржима Терминологик Фразеологик

Луғат мақолалари

51 та
беш

сон 1. снқ. сон Беш рақами ва шу рақам билан ифодаланган, тўрт билан олти орасидаги сон, миқдор.

Беш киши. Беш килограмм олма. Беш карра беш — йигирма беш.

Толибжонбойнинг беш ўғли, уч қизи бор экан. — Ойбек, Танланган асарлар

Ўзингиз ўйлаб қаранг, ўқувчилар бундан беш йил аввалги ўқувчилар эмас. — С. Зуннунова

2. Беш балли баҳо тизимида энг юқори (аъло) баҳо.

Математикадан беш олдим. Унинг аттестатида нуқул бешлар.

3. Кўп, ортиқ, зиёда..

  • Беш кетмоқ 1. Пирра (карта) ўйинида беш очко олмоқ;
  • Беш кунлик дунё Беш кунлик дунёда ўйнаб қолайлик. — Эрали ва Шерали
  • Беш қўл баравар эмас Ҳамма бир хил, бирдек эмас, ҳамма бирдек яшай олмайди. — Беш қўл баравар эмас, — деди Ҳакимбойвачча, — биров олим, фозил бўлади, биров мардикор, ҳаммол бўлади. — Ойбек, Танланган асарлар
  • Беш қўлни (ёки бармоқни, панжани) оғзига урмоқ (ёки тиқмоқ) Нафсни тия олмай, бирдан ҳаммасини ўзлаштириб олишга ҳаракат қилмоқ.
  • Иши беш Пухтанинг иши беш. — Мақол
Тўлиқ мақола →
бесар
  • Бесар бўлмоқ Бесаранжом бўлмоқ, тинчлигини, ҳаловатини ёʻқотмоқ.
  • Бесар қилмоқ (ёки этмоқ) Бесаранжом қилмоқ, тинчлигини, ҳаловатини бузмоқ; издан чиқармоқ. Қалб танҳо сени ўйлаб, кулиб гоҳ, гоҳи йиғлардим, Нетай, ҳижрон азоби айламиш беихтиёр, бесар. — Н. Муҳаммад, Баҳор тароналариКўкда ой кезади бесар-у сомон, Йироқ замин узра ташлаб ҳорғин из. — А. Орипов
Тўлиқ мақола →
бесас

Ҳеч нарса демай, товуш чиқар-май, унсиз.

Шайх арвоҳдек бесас, бепарво турарди. — С. Сиёев, Аваз

Лекин асир бесадо, бесас, Боши ёриқ, яраланган, қон, Мурда каби ётарди бежон. — Ҳ. Олимжон

Қудуқ тубидаги оқ тошдек бесас Кўксимда ётибди хотирам маним. — Саодат

Тўлиқ мақола →
бесабр

сфт. Сабри, тоқати ёʻқ, чидамсиз, тўзимсиз.

Сабр қилсанг, ғўрадан ҳалво битар, бесабрлар ўз оёғидан йитар. — Мақол

Басавлат, шаддод аёллар бесабр бўладилар. — Шарқ юлдузи

Тўлиқ мақола →
бешак

Шаксиз, шубҳасиз.

Мен яхши англайман, мозий не демак, Тарихда ҳар кимнинг бор ўз замони. Лекин танимизда кезар-ку бешак Олис боболарнинг минг йиллик қони. — А. Орипов

Тўлиқ мақола →
бешик

от 1. этн. Чақалоқни белаб ва тебратиб ухлатиш учун тол ёки тут ёғочидан ясалган ёʻрға оёқли махсус мослама; тебратма беланчак.

Бешикдаги Учқун уйдаги ҳаракатни сезиб, овозларни эшитиб, ҳадеганда ухлай бермади. — Ҳ. Ғулом, Машъал

Муборакнинг отаси қишда дурадгорлик қилар, эшик, бешик, сумак, сандал, заранг товоқ ясарди. — С. Нуров, Майсаларни аёз урмайди

2. кўчма Бирор нарсанинг, воқеа-ҳодисанинг туғилган ери, макони, манбаи.

Бахт бешигин қучоқлаб, бизни улғайтирдингиз. — Ғ. Ғулом

Бир қатор дор билан шарманда бўлди Фашизм бешиги бўлган Нюрнберг. — Ғ. Ғулом

Ям-яшил ўтлоқлар миллион-миллионлаб қўзи, тойчоқларнинг бешиги бўлур. — Ғ. Ғулом

  • Бешик асбоб Болани бешикка белаш ва бешикни тузаш, безатиш учун зарур нарсалар (тўшакча, кўрпача, ёстиқча, қўлбоғ, оёқбоғ, тувак, сумак ва шу кабилар) мажмуи.
  • Бешик кетди [Қози Қодирқулга:] Бешик кетди бўлгандан буёқ ҳар йил расм-русмларини қилишиб, яқин вақтларда тўйлигини ҳам бериб қўйибди. — Ҳамза, Бой ила хизматчи
  • Бешик тўйи Болани (асосан тўнғич фарзандни) бешикка солиш муносабати билан ўтказиладиган тантанали маросим. Муллажон қози бешик тўйи қилган. — А. Қаҳҳор, Анор
  • Бешигини тебратмоқ Янги туғилаётган нарсани ардоқлаб, вояга етказмоқ. Ўртоқ Орипов билимдон инженер, мамлакатимизда карбамид ишлаб чиқаришни ташкил этиш бўйича янги корхона бешигини тебратаёт-ганлиги бежиз эмас. — Газетадан
  • Сен менинг бешигимни тебратганмисан? Бетакаллуф муомалада бўлган, ўзидан кичик киши га жавобан ишлатиладиган ибора.
Тўлиқ мақола →

Ҳаммасини кўриш · 51 →