Фазали ҳолат
қатламни тўйинтирадиган моддаларнинг қатлам босими ва температурасига боғлиқлиги. Қатламдаги нефт ва газ асосан углеводородли моддаларнинг мураккаб аралашмаси бўлиб, нефт ва газ уюмларини ишлашда қатлам бўшлиқларидаги сув муҳим рол ўйнайди. Қатлам босими ва температурасининг ўзгариши қатламни тўйинтирувчи моддаларнинг фазали ҳолатини ўзгаришига сабаб бўлади. Нефт ва газ уюмларини ишлашда нефт, газ, конденсат ва сувнинг олиш миқдорини башорат қилиш ва ишлашни бошқаришда уларнинг фазали ҳолатини билиш зарур.