Психология терминларининг изоҳли луғати
· яна 1 та луғатда
машқ, маълум бир ақлий ёки жисмоний ҳаракатларни, уларни пухта эгаллаш ва сифатини яхшилаш мақсадида, онгли равишда бир неча бор қайта бажаришдан иборат такрорлаш процесси. М. нинг муваффақиятли бўлиши машқ қилаётган одамнинг ҳаракат сифатини яхшилашни мақсад қилиб қўйишига, ҳаракатларни тўғри бажариш усулларини билишга, эришилган ютуқларни ҳисобга олиш ва ёʻл қўйилган хатоларнинг сабабларини, уларни бартараф қилиш ёʻлларини тушунишига боғлиқ. Акс ҳолда М. оддий такрорлашдан иборат бўлиб қолади. Мас., хати хунук одам, махсус машқ қилмасдан, ўз хатини чиройли қила олмайди.