«Термин.» бўйича 4 та натижа: Изоҳли
от Фан, техника, касб-ҳунарнинг бирор соҳасига хос муайян бир тушунчанинг аниқ ва барқарор ифодаси бўлган сўз ёки сўз бирикмаси; атама.
Ботаника терминлари. Заргарлик терминлари. Пахтачилик терминлари.
Ёʻлдош Элмуродга нотаниш терминларни тушунтира кетди. — Шуҳрат, Шинелли йиллар
Терминлар илмий коммуникациядан жонли сўзлашувга ўтганда, халқ учун тушунарли сўзларга айлана боради. — ЎТА
от 1. тех. Ҳисоблаш системаси таркибига кирувчи, ахборотларни системага киритиш ва ундан чиқариб олиш учун мўлжалланган четда турувчи, сиртқи мослама (компютерда ишлаганда, монитор, сичқонча, клавиатура кабилар терминал ҳисобланади).
2. Портнинг (ҳаво ёки денгиз портининг) контейнерли ва боғлама юкларни сақлаш ва қайта ишлашга мўлжалланган қисми.
3. Умуман, катта миқдордаги юк, нарса-буюм вақтинча, мавсумий сақланадиган омбор.
Пахта толаси терминали.
Терминаллар, ўз навбатида, ташқи савдо компаниялари билан тузган шартномаларига кўра, толани экспортга ортишади. — Газетадан
тайёр маҳсулотларнинг терминаллар орқали хорижга чиқарилаётгани қайта ишлаш корхоналарига ҳам янги имкониятлар эшигини очди — Газетадан
4. Пластик карточкалар ёрдамида ишлайдиган, турли ҳисоб-китоб ва тўловларни амалга ошириш учун хизмат қиладиган электрон қурилма.
Республикадаги барча савдо ва хизмат кўрсатиш шохобчаларига ўрнатилган терминаллар ёрдамида тўловларни амалга оширишингиз мумкин. — Газетадан
Банк мутахассислари томонидан ўрна-тилган 1300 савдо терминали ва 20 банкомат мижозлар хизматида. — Газетадан
сфт. Терминологияга, терминларга оид.
Терминологик луғат. Сўзнинг терминологик маъноси.
Детерминлашиш — терминологик системадаги сўзнинг адабий тилга тўла ўзлашишидир. — ЎТА
от 1. Фан, техника, касб-ҳунарнинг бирор соҳасида қўлланадиган терминлар мажмуи.
Техника терминологияси. Ҳарбий терминология. Илмий терминология. Ўзбек тили терминологияси.
Қори ака фанлар ичида аввало математикани севиб ўрганади ва унинг ўзбекча терминологиясини ишлаб чиқади. — М. Ўрозбоев, Мўжизалар олами
2. Тилшуносликнинг терминларни ўрганиш, тартибга солиш билан шуғулланув-чи соҳаси.
Терминология мутахассиси. Терминология бўлими.
Семинар рус ва ўзбек тилларининг фонетикасини қиёсий ўрганиш, орфоепия, терминология ва лексикология масалаларига алоҳида эътибор беради. — ЎТА
