ар. تخميس - бешлик сўзидан
Muxammas koʻrinishlaridan biri. Taxmis bandlari ham muxammas kabi besh misradan iborat boʻlib, dastlabki uch band taxmis yozayotgan shoir qalamiga, keyingi ikki band taxmis qilinayotgan shoir gʻazaliga mansub boʻladi. Taxmisning muxammasdan farqi shundaki, u albatta ikki shoir tomonidan yaratiladi. Taxmislar shoirga manzur asarlargagina yozilgani uchun bir gʻazalga bir necha taxmis yozilishi mumkin. Oʻzbek adabiyotida Furqat va Muqimiyning A. Navoiy gʻazallariga yozgan taxmislari ayniqsa mashhurdir. Shoirlar taxmis yozish bilan oʻzlaridan avval yashab ijod etgan ulugʻ shoirlarning yetuk gʻoyalarini rivojlantirganlar, traditsiyalarini davom ettirganlar. Taxmis yozish shoirdan kuchli mahoratni talab qiladi. Taxmisning soʻnggi bandida shoirlarning taxalluslari eslatib oʻtiladi. Taxmislar oʻzbek sovet adabiyotida ham yaratilgan va yaratilmoqda., taxmis