гр. talanton — меҳнат сўзидан
Mehnat faoliyatining biror sohasida namoyon boʻladigan tabiiy qobiliyat. Talant murakkab, tabiiy va ijtimoiy hodisadir. Talant ijodiy kuchlarning yigʻindisi, kishi qobiliyatining ifodasi sifatida namoyon boʻladi. Badiiy ijodda talant koʻp qirrali hodisadir. Talantning roʻyobga chiqishi, kamol topishi shart-sharoit bilan ham bogʻliqdir. Ekspluatatsiyaga asoslangan ijtimoiy formatsiyalarda oddiy xalq orasidagi talantli kishilar oʻz qobiliyatlari nimalarga qodir ekanligini koʻrsatishga yetarli imkon topolmaganlar. Ulugʻ Oktyabr sotsialistik revolyutsiyasi talantlar uchun keng imkoniyatlar yaratib berdi. Proletariat dohiysi V. I. Lenin talantni noyob hodisa sifatida baholab, unga nozik munosabatda boʻlishga, talantli kishilarni avaylashga alohida eʼtibor berdi. Talant, eng avvalo, kishining ijod qilishga boʻlgan cheksiz intilishi bilan xarakterlanadi. Ikkinchidan, talantli kishilar oʻta hissiyotchan boʻladilar. Kuzatuvchanlik qobiliyati talantli kishilarga xos xususiyatlardan biridir. Talantli ijodkor hayotda boshqalar koʻra olmagan yoki eʼtibor bermagan narsa, hodisalardan umumlashma xulosalar chiqara oladi, ular haqida badiiy yuksak asarlar yarata oladi. Talantning yana bir asosiy xususiyati ijodiy fantaziya (q. Tvorcheskaya fantaziya) qilish qobiliyatidir. Sanʼatkor ijodiy fantaziya tufayli oʻz qahramonlari dunyosiga singib ketadi, hayotiy haqiqatga oʻxshash badiiy toʻqimalar yaratadi. Talantli kishilar uchun ilhom (q. Vdoxnoveniye) bilan ishlash, talant, isteʼdod