гр. sillabe — ҳижо, tonos — урғу сўзларидан
силлабик-тоник шеър тузилиши. Ҳижолар ва урғуларнинг миқдори ҳамда тартиби билан белгиланадиган шеър тузилиши. Силлабик-тоник шеър тузилиши В. К. Тредиаковскийнинг «Россия шеърларининг тузилишига доир янги ва қисқа қўлланма» (1735) ҳамда М. В. Ломоносовнинг «Россия шеърияти қоидалари ҳақида хат» (1739) асарлари эълон қилингач, кенг қўлланила бошланди. Бу система ҳозирги кунгача рус шеъриятининг асосий системаси бўлиб келмоқда. Силлабик-тоник шеър тузилишида урғусиз бўғин қисқа | ◡ | ҳисобланади. Силлабик-тоник шеър тузилишининг асосий туроқлари қуйидагилар: хорей | — ◡ |; ямб | ◡ — |; дактил | — ◡ ◡ |; амфибрахий | ◡ — ◡ |; анапест | ◡ ◡ — |.