Поиск

Tabiiy suv bosimli sistemalarning boʻshalishi — boʻshalish zonasida suvli gorizontlardan yer osti bosimli suvlarining yer yuzasiga, yer yuzasidagi suv havzalariga buloq koʻrinishida chiqishi, yoxud boshqa suvli majmuaga, qoʻshni suvbosimli sistemaga oqib oʻtishi. T.s.s.b. turli koʻrinishda sodir boʻladi. A.M. Ovchinnikov (1962) ochiq va yopiq boʻshalish zonalarini ajratadi. Ochiq boʻshalish zonalari quyidagi turlarga boʻlinadi: 1. Uyali jamlangan boʻshalish zonalari — platforma oblastlarini va ularning togʻ inshootlari bilan chegaralangan joylarida uchraydi, ularning: a) errozion; b) toʻsiqli (artezian suvlarning harakatlanishiga biror toʻsiq-tazyiq koʻrsatganda); v) strukturali (gumbaz, koʻtarilma, tektonik yoriq mavjud boʻlganda) xillari ajratiladi. 2. Chiziqli boʻshalish zonalari — svitalar kontaktlarida yoki tektonik yoriq zonalarida, togʻ oblastlaridagi daryo vodiylarida uchraydi va ularning: a) boʻylama; b) koʻndalang; v) diagonal xillari ajratiladi. Yopiq boʻshalish zonalarining quyidagi turlari farqlanadi: