«ПСИХОЛОГ» бўйича 4 та натижа: Изоҳли
от 1. Психология бўйича олим-мутахассис (врач ёки ўқитувчи).
Ҳозирги кунда психологик касбга ёʻналтирув-чи тиббий ходим, дефектолог, психолог каби мутахассислар ушбу тизимда хизмат қилмоқда. — Мактаб ва ҳаёт
2. кўчма Кишининг руҳиятини яхши биладиган, шунга қараб муомала қиладиган сезгир одам.
[Фармонов] бу кампир ё ўзгаларнинг фикрини ўқий олади, ё менга ўхшаган лақмаларни кўравериб, ўткир психолог бўлиб кетган. — Муштум
сфт. Психологияга оид, руҳий ҳолат ва кечинмаларни теран тасвирлашга асосланган.
Психологик анализ. Психологик тадқиқот. Психологик роман. Психологик драма.
Ойқизнинг психологик ҳолати роман марказида турган муҳим тугунни, унинг ечими учун Ойқиз типидаги, балки ундан ҳам юқорироқ бошқа бир кучли тажрибакор шахс иштирокини талаб қиларди. — ЎТА
от 1. Инсон фаолияти ва ҳайвонлар хатти-ҳаракатида борлиқнинг акс этишини, руҳий жараёнлар, ҳодисалар ва хислатларни ўрганувчи фан.
Элмурод институтда психологиядан лексия тинглар экан, профессор Иванов: Киши характерини белгиловчи омиллардан бири унинг нутқи, — деган эди. — Шуҳрат, Шинелли йиллар
Бўлғуси педагоглар практика жараёнида педагогика ва психологиянинг долзарб масалалари устида иш олиб борадилар. — Фан ва турмуш
2. Бирор фаолият билан боғлиқ бўлган психик жараёнлар мажмуи.
Меҳнат психологияси. Санъат психологияси.
Рангларга муносабатда ҳам халқ психологияси намоён бўлади. — ЎТА
Ижод психологияси фақат китобхонларни эмас, адабиёцҳуносларни ҳам қизиқтиряпти. — У. Норматов, Талант тарбияси
3. Кишининг ички дунёси, кечинмалари, характер хусусиятлари, руҳий ҳолати.
Отахон шоирларимиз болалар қалби ва психологиясини, маънавиятини очиш орқали уларнинг бетакрор шахсиятини улуғладилар. — Фан ва турмуш
Ҳаётнинг ўзи ана шу дунёқарашлар, психологиялар, даъволар орасидан ўтишга мажбур қилмоқда. — Газетадан
от Адабиёт ва санъатда инсоннинг психик, руҳий кечинмаларини теран тасвирлаш.
